استانادا 25-27 شىلدە ارالىعىندا «قاۋىپسىز جول» جەدەل الدىن الۋ ءىس-شاراسى وتەدى
ەلوردادا جول-كولىك وقيعالارىنىڭ, ودان كەلەتىن زارداپتاردىڭ الدىن الۋ جانە بولدىرماۋ, جول قوزعالىسى ەرەجەلەرىن ساقتامايتىن جۇرگىزۋشىلەردى انىقتاۋ ماقساتىندا «قاۋىپسىز جول» جەدەل الدىن الۋ ءىس-شاراسى باستالدى.
استانا قالاسى ءىىد جەرگىلىكتى پوليتسيا قىزمەتىنىڭ ينسپەكتورى ءلاززات بيسەمباەۆانىڭ ايتۋىنشا, 25-27 شىلدە ارالىعىندا وتەتىن شارا كەزىندە جول-پاترۋلدىك پوليتسيانىڭ جەكە قۇرامى كۇشەيتىلگەن تارتىپتە جۇمىس ىستەيدى.
«قاۋىپسىز جول» اياسىندا جول قوزعالىسى ەرەجەلەرىن ورەسكەل بۇزۋعا جول بەرمەۋگە باعىتتالعان بىرقاتار رەيد وتكىزىلەدى. اسىرەسە, پوليتسيا قىزمەتكەرلەرى جاياۋ جۇرگىنشىلەر جولىن قاداعالاۋعا الادى. جەرگىلىكتى ترانسپورتتىق ۇيىمدارمەن بىرىگىپ, قوعامدىق كولىك جۇرگىزۋشىلەرى مەن تاكسي قىزمەتىندە كەزدەسەتىن قۇقىقبۇزۋشىلىققا بايلانىستى ءتيىستى شارا قابىلدانادى, – دەيدى ل.بيسەمباەۆا.
ايتا كەتەيىك, جىل باسىنان بەرى قالالىق جول-پاترۋلدىك پوليتسيا قىزمەتكەرلەرى 77 مىڭ قۇقىقبۇزۋشىلىق انىقتاعان.
