ەلوردادا جاڭا اۋدان قۇرۋدى, سونداي-اق ونىڭ شەكاراسىن بەلگىلەۋدى كوزدەيتىن قاۋلى جوباسى اشىق نورماتيۆتىك قۇقىقتىق اكتىلەر پورتالىندا تالقىلاۋ ءۇشىن جاريالاندى.
جوبادا كورسەتىلگەندەي, جاڭا اۋداننىڭ شەكاراسى 19336 گەكتاردى قۇرايتىن بولادى. ونىڭ اۋماعى ەسىل وزەنىنىڭ بويىمەن قالانىڭ باتىس بولىگىندە شىعىسقا قاراي قابانباي باتىر داڭعىلىنا دەيىن, ودان ءارى قابانباي باتىر داڭعىلىنىڭ تاق جاعىمەن جانە قارقارالى تاس جولىنىڭ باتىس جاعىمەن وڭتۇستىك شەكاراعا دەيىن سوزىلادى.
جاڭا اۋداننىڭ قۇرىلۋى تۇرعىندار سانىنىڭ ارتۋىنا جانە تۇرعىن ءۇي كەشەندەرىنىڭ كوپتەپ سالىنۋىنا بايلانىستى بولىپ وتىر. وسىعان بايلانىستى ەسىل اۋدانى اۋماعىن ەكى اۋدانعا ءبولۋ جوسپارلانعان.
ەلوردا بولعالى استانا قالاسىندا سارىارقا, الماتى, ەسىل جانە بايقوڭىر اۋداندارى قۇرىلعان بولاتىن
