ساۋدا سالاسى قالا ەكونوميكاسىنىڭ نەگىزگى ۇلەسى بولىپ سانالادى. وتكەن جىلدىڭ قورىتىندىسى بويىنشا ساۋدا كولەمى 9,5 پايىزعا ۇلعايىپ, 9,6 ترلن تەڭگەنى قۇرادى. ونىڭ تۇراقتى دامۋى ءۇشىن قانداي شارالار قابىلدانىپ جاتقانى تۋرالى وكق بريفينگىندە استانا قالاسى ينۆەستيتسيالار جانە كاسىپكەرلىكتى دامىتۋ باسقارماسى باسشىسىنىڭ ورىنباسارى ماقسات جاڭاباەۆ ءمالىم ەتتى, دەپ حابارلايدى astana-akshamy.kz
ماسەلەن, ەلوردادا ميكرو بيزنەستى دامىتۋ ءۇشىن زاماناۋي ارحيتەكتۋرالىق فورماتتا كوشە ساۋداسىنىڭ تەتىگى بەلسەندى قولدانىلادى. باعدارلامانىڭ وپەراتورى «استانا اكك» اق بولىپ سانالادى.
وسى باعدارلاما اياسىندا مىڭعا جۋىق جۇمىسشى قۇرىلىپ, ءبىر ميلليارد تەڭگەدەن استام ينۆەستيتسيا تارتىلدى.
سونىمەن قاتار ساۋدا ينفراقۇرىلىمىن دامىتۋ اياسىندا 180 ملرد تەڭگەدەن استام سوماعا 10 جوبا – سو, قويما كەشەندەرى, كوكونىس قويمالارى ىسكە اسىرىلۋدا.
ءامات-تىڭ بارلىق 19 ءتۇرى بويىنشا 25 مىڭ توننا ونىمگە كەلىسىمشارت جاسالدى, ونىڭ نەگىزگى ۇلەسىن قۇننىڭ ءوسۋ قاۋپىنە نەعۇرلىم بەيىم كوكونىس ونىمدەرى الادى.
«قولدانىستاعى شارتتار بويىنشا بىلتىرعى ەگىننىڭ 9 مىڭ توننا كوكونىس قورى بار. قوسىمشا مامىر-شىلدە ايلارىنا شامامەن 1 350 توننا كولەمىندە ەرتە ەگىن جيناۋ كوكونىستەرىن جەتكىزۋ جونىندەگى كەلىسىمشارتقا قول قويۋ جوسپارلانۋدا. بۇدان باسقا, ءبىز وسى جىلدىڭ كۇزگى ەگىنىنە فورۆاردتىق كەلىسىمشارتقا قول قويۋ جونىندە الدىن الا شارالار قابىلداپ جاتىرمىز, بۇل كەلەسى جىلدىڭ ماۋسىمارالىق باعاسىن ۇستاپ تۇرۋعا مۇمكىندىك بەرەدى», – دەدى سپيكەر.
مۇنداي فاكتىلەردى بولدىرماۋ ءۇشىن ەلوردادا دەلدالدىق سحەمالاردى انىقتاۋ بويىنشا وڭىرلىك كوميسسيانىڭ جۇمىسى تۇراقتى نەگىزدە جۇرگىزىلەدى.
جىل باسىنان بەرى 21 وتىرىس وتكىزىلدى. ساۋدا ۇستەمەسىنەن اسىپ كەتۋدىڭ 30 فاكتىسى انىقتالدى.
سونىمەن قاتار ساۋدا جانە تۇتىنۋشىلاردىڭ قۇقىقتارىن قورعاۋ دەپارتامەنتىمەن بىرلەسىپ, قالانىڭ ساۋدا نىساندارىندا ساۋدا ۇستەمەسىنىڭ 15% ساقتاۋ بويىنشا ءتۇسىندىرۋ جۇمىستارى جۇرگىزىلۋدە.
قابىلدانىپ جاتقان شارالار ەسەبىنەن ءامات باعاسىنىڭ ءوسۋىن تەجەۋگە بولادى.
2023 جىلدىڭ ۇقساس كەزەڭىمەن سالىستىرعاندا ءامات باعاسىنىڭ يندەكسى 4,5% – عا تومەندەدى.
