ەلوردانىڭ كوممۋنالدىق قىزمەتتەرى تاۋلىك بويى اۋىسىمدىق رەجيمدە جۇمىس ىستەيدى. 29 ناۋرىز كۇنى تاڭەرتەڭ قالا بويىنشا قار تازالاۋ جۇمىستارىنا مىڭعا جۋىق ارنايى تەحنيكا جۇمىلدىرىلدى, دەپ حابارلايدى astana-akshamy.kz
29 ناۋرىزعا قاراعان ءتۇنى كوممۋنالدىق قىزمەتتەر ەلوردادان 219 رەيسپەن 2,7 مىڭ تەكشە مەتردەن استام قار شىعاردى.
29 ناۋرىز كۇنى تاڭەرتەڭ قار تازالاۋعا 2,4 مىڭنان استام جول جۇمىسشىسى مەن مىڭعا جۋىق ارنايى تەحنيكا جۇمىلدىرىلدى.
قىس باسىنان بەرى قار پوليگوندارىنا 500 مىڭنان استام رەيس, 6,7 ميلليون تەكشە مەتردەن استام قار شىعارىلدى.
ايتا كەتەيىك, قالادا قار مەن مۇزدى جيناۋ تاۋلىك بويى اۋىسىمدىق رەجيمدە جۇرگىزىلۋدە. ءبىرىنشى كەزەكتە ورتالىق كوشەلەر, جولاۋشىلار كولىگى مارشرۋتتارى, ايالدامالار مەن تروتۋارلار تازالانادى.
