28 جانە 29 ناۋرىز ارالىعىندا بەيجىڭدە قىتايداعى قازاقستان ءتۋريزمى جىلى اشىلۋ اياسىندا تۋريزم جانە سپورت مينيسترىلىگىنىڭ ۇيىمداستىرۋىمەن ماڭىزدى ءىس-شارالار ءوتتى, astana-akshamy.kz.
قازاقستان دەلەگاتسياسى قاتارىندا مينيسترلىك, تۋريزم, بيزنەس, سپورت پەن ونەر سالاسىنىڭ وكىلدەرى بار. جىلدىڭ رەسمي اشىلۋى حالىقارالىق تۋريزم مەن ينۆەستيتسيالارعا ارنالعان فورۋمنان باستالسا, جالعاسىن قازاقستاننىڭ كورمەسى مەن ەتنو-اۋىلداعى مادەني ءىس-شارالاردان تاپتى. بۇگىن قازاقستان ءتۋريزمى جىلى رەسمي اشىلۋىنىڭ گالا-كونتسەرتى China National Opera House ءوتتى. سالتاناتتى كەشتە وتاندىق ارتىستەر حالقىمىزدىڭ مادەنيەتى مەن ونەرىن ۇلكەن قاۋىمعا پاش ەتتى.
قىتاي ساحناسىندا روزا رىمباەۆا, مايرا مۇحامەدقىزى, زارينا التىنباەۆا, «ۇلىتاۋ» توبى, «سازگەن سازى», ءالي وقاپوۆ, رۋحيا بايدۇكەنوۆا مەن اقبيكە العي سياقتى ونەر مايتالماندارى كورەرمەندەردى ءوز ونەرىمەن ءتانتى ەتتى. انشىلەرىمىز قىتاي حالقىنا قۇرمەت رەتىندە ولاردى ۇلتتىق اندەرىن دە شىرقادى. قوناقتار قىتايلىق ارتىستەردىڭ دە ونەرىن تاماشالادى. وعان قوسا, جينالعان قاۋىم استانا بالەت, اباي اتىنداعى قازاق ۇلتتىق وپەرا جانە بالەت تەاتر ۇجىمدارىنىڭ بي مەن حور ونەرىنە كۋا بولدى. گالا-كونتسەرتپەن بىرگە قىتايداعى قازاقستان ءتۋريزمى جىلىنىڭ اشىلۋ سالتاناتى دا ءوز مارەسىنە جەتتى. بۇل كۇندەرى وتكەن ءىس-شارالار ەكى ەلدىڭ ىنتىماقتاستىعىن نىعايتىپ, ءوزارا مادەني, تۋريستىك قىزىعۋشىلىعىن ودان سايىن ارتتىرۋىنا سەپتىگىن تيگىزەتىنى ءسوزسىز.
