استانادا ترياتلون جارىسىنا بايلانىستى بىرقاتار كوشەلەر جابىلادى
31 شىلەدە ەلوردادا «Super Sprint Triathlon Astana – 2016» جارىسى وتەدى. وسى شاراعا بايلانىستى قالانىڭ بىرقاتار كوشەلەرىندە كولىك قوزعالىسى شەكتەلەدى.
تاڭعى ساعات 10:00-دە باستالاتىن ترياتلون ءجۇزۋ, ۆەلوجارىس, جۇگىرۋ سەكىلدى سپورتتىڭ ءۇش ءتۇرىن قامتيدى. جارىس كەزىندە تۇران داڭعىلىنداعى كولىك قوزعالىسى «تۇلپار» كوپىرىنەن باستاپ اۋەجايدىڭ اينالما جولىنا دەيىن شەكتەلەدى. بۇل ماڭايدان وتەتىن جۇرگىزۋشىلەرگە قابانباي باتىر كوشەسى مەن سارايشىق كوشەلەرى ارقىلى اينالىپ ءوتۋدى ۇسىنادى.
وعان قوسا, قابانباي باتىر كوشەسىنىڭ «رامستور» ساۋدا ۇيىنەن باستاپ قورعالجىن تاس جولىنا دەيىنگى بولىگى جابىلادى. ال بۇل جاققا جولى تۇسەتىن كولىكتەر رەسپۋبليكا داڭعىلى – تاشەنوۆ كوشەسى – ورىنبور كوشەسى باعىتى بويىنشا اينالىپ وتكەنى ابزال.
ەلوردا پوليتسەيلەرى جۇرگىزۋشىلەرگە جاعدايعا تۇسىنىستىكپەن قاراپ, جۇرەتىن جولدارىن الدىن الا باعدارلاپ الۋىن سۇرايدى.