ەلوردادا «رتس دەكو» كومپانياسى قوناەۆ, كەنەسارى, دوستىق كوشەلەرى مەن ب.مومىشۇلى داڭعىلىنا, اۋەجايعا الىپ باراتىن جول بويىنا جانە باسقا دا كوشەلەرگە قوعامدىق كولىكتەرگە ارنالعان جاڭا ايالداما كەشەندەرىن ورناتا باستادى. قالادا جوسپار بويىنشا ەكى ءجۇز توقسان ءتورت ايالداما جاڭارتىلۋى ءتيىس بولسا, قازىردىڭ وزىندە سونىڭ جيىرماسى قويىلدى.
اتالعان كومپانيا زامان تالابىنا ساي ايالدامالاردى ءوز ەسەبىنەن ورناتىپ, ەسكىرگەن كەزدە جوندەۋ جانە اۋىستىرۋ سياقتى سەرۆيستىك قىزمەتىن دە قوسا اتقارادى. ايالدامالاردى پايدالانۋ شىعىندارىن دا ءوزى كوتەرەدى. بۇعان بيۋدجەتتەن ءبىر تيىن دا قارجى قاراستىرىلماعان.
ايتۋ كەرەك, كوزدىڭ جاۋىن الاتىن زاماناۋي كەشەندەردىڭ ديزاينىن الەمگە ايگىلى بريتاندىق ساۋلەتشى نورمان فوستەر جاساعان. ايالدامالار الەۋمەتتىك ماڭىزداعى كوشە جيھازى قاعيداتى بويىنشا ورىندالعان. مۇندا قولايسىز كۇن رايىنان قورعايتىن توبە, باعىتتاعى اۆتوبۋستار كەستەسى كورسەتىلگەن اقپاراتتىق تابلو, جارناما ستەندتەرى مەن ورىندىقتار وتە ادەمى بەزەندىرىلگەن.
ايالدامالار وزىق حالىقارالىق ورتالىقتاردىڭ ۋربانيستىك ينفراقۇرىلىمىن دامىتۋدىڭ ۇزاق كەزەڭى ىشىندە قالىپتاسقان حالىقارالىق ستاندارتتارعا سايكەس كەلەدى. وسى سياقتى كەشەندەر الەمنىڭ ءىرى قالالارىندا ورناتىلىپ, تابىستى قولدانىلىپ كەلەدى.
جاقسى ساتۇلى
