كەشە «ازاماتتارعا ارنالعان ۇكىمەت» مەملەكەتتىك كورپوراتسياسى ەلورداداعى بايقوڭىر اۋدانىنىڭ تۇرعىندارى ءۇشىن جاڭا حالىققا قىزمەت كورسەتۋ ورتالىعىن (حقو) اشتى.
ول اباي داڭعىلى, 80 مەكەنجايىندا ورنالاسقان. وسىمەن استانادا باس-اياعى 10 حقو جۇمىس ىستەيتىن بولادى.
– تاعى ءبىر ورتالىقتىڭ اشىلۋى قالا تۇرعىندارىنىڭ تاڭداۋ مۇمكىندىگىن ارتتىرىپ, وزگە بولىمدەردەگى جۇمىستىڭ ازايۋىنا سەپتىگىن تيگىزەدى. عيمارات كەڭ جانە ىڭعايلى بولعاندىقتان, ازاماتتارعا قاجەتتى سەكتوردىڭ ءبارى بار, – دەدى «ازاماتتارعا ارنالعان ۇكىمەت» توراعاسى ابىلايحان وسپانوۆ.
بۇل جەردە وپەراتورلارعا ارنالعان 13 جۇمىس ۇستەلى, وزىنە-ءوزى قىزمەت كورسەتۋ سەكتورىندا 15 جۇمىس ورنى جانە ەلەكتروندىق تسيفرلىق قولتاڭبا بەرىلەتىن 4 ۇستەل بار. سونداي-اق ازاماتتاردى تۇرعىلىقتى جەرى بويىنشا تىركەپ, قۇجاتتارىن دايىنداۋمەن اينالىساتىن ميگراتسيالىق قىزمەت ماماندارىنا 4 جۇمىس ورنى قاراستىرىلعان.
