پاڭكەرەەۆ قايسار:
– سالەمەتسىز بە, قۇرمەتتى يمانعالي نۇرعاليۇلى! 1 قازان كۇنى ون ءبىر جاستاعى ۇلىم «كەرەمەت-مونشا» ايالداماسىنان ءمىنىپ, №20 مارشرۋتتاعى «MAN» اۆتوبۋسىمەن ۇيگە كەلە جاتادى. شيلانىن اشقان كەزدە ءتۇر-الپەتى ەۋروپالىق پىشىندەگى كوندۋكتور ايەل ونىڭ قىركۇيەك ايىنا ارنالعان جولاقى بيلەتىن كورىپ قالىپ, دورەكى تۇردە قولىنا بەرۋدى تالاپ ەتەدى. ۇلىم ۋاقىتى ءوتىپ كەتكەن ونى كورسەتۋدى ويلاماعان. سول بويدا ول كوندۋكتورعا 50 تەڭگە ۇسىنعان. بىراق, كوندۋكتور ارتىق اقشانى قايتارماستان سالون ارالاپ كەتە بارعان. بالامنىڭ بىرنەشە رەت 30 تەڭگەنى قايتارىپ بەرۋدى وتىنگەنىنە ەلەڭ ەتپەگەن, تەك وسى كەلەڭسىزدىكتى كوزدەرى كورىپ وتىرعان ەرەسەك جولاۋشىلار ارالاسقاننان كەيىن عانا قايتارىم اقشانى بالانىڭ قولىنا ۇستاتقان. مەنى كوندۋكتوردىڭ دورەكى قىلىعى كۇيىندىرەدى. وكىنىشكە قاراي, اۆتوبۋستىڭ ناقتى دەرەكتەرىن بىلمەيمىن, بەلگىلىسى
– «جاعالاۋ» ايالداماسىنان ساعات 19.48-دە كەتكەنى…
جاۋاپ:
– قايسار, شاعىم حاتىڭىزدى قاراپ شىعىپ, ءبىز قىزمەت بابىنداعى تەكسەرىس جۇرگىزدىك. 2012 جىلعى 1 قازاندا №20 مارشرۋتقا قىزمەت كورسەتكەن مەملەكەتتىك ءنومىرى Z 040 سم اۆتوبۋستىڭ كوندۋكتورى ن.دياكوۆا جازعان تۇسىنىكتەمە بويىنشا, ول مەرزىمى ءوتىپ كەتكەن ايلىق جولاقى بيلەتىن الىپ قويعان, سول كەزدە ءسىزدىڭ ۇلىڭىزعا جاڭا اي باستالعاندىقتان, الگى بيلەت كۇشىن جويعانىن تۇسىندىرگەن. جولاۋشىلارعا بيلەت ۇلەستىرىپ بولعان سوڭ ۇلىڭىزعا 50 تەڭگەنىڭ 30 تەڭگەسىن قايتارىپ بەرگەن.
كوندۋكتورعا قاتىستى ءتيىستى شارا قولدانىلدى.
