بۇگىنگى تاڭدا ەلوردانىڭ دەنساۋلىق ساقتاۋ سالاسىندا جۇزدەن استام قىزمەتكەر جەتىسپەيدى. بۇل تۋرالى استانا قالاسىنىڭ قوعامدىق دەنساۋلىق ساقتاۋ باسقارماسىندا وتكەن وتىرىستا تالقىلاندى.
مامانداردىڭ ايتۋىنشا, بۇگىندە ەلوردادا 1,7 مىڭنان استام دارىگەر جانە 2,6 مىڭنان استام ورتا مەديتسينا قىزمەتكەرى بار. دەگەنمەن قالانىڭ دەنساۋلىق ساقتاۋ سالاسىنداعى پروبلەمالاردىڭ ءبىرى – كادر تاپشىلىعى. قازىر استانادا 140 دارىگەر جەتىسپەيدى. ۆەدومستۆونىڭ مالىمەتىنشە, مەديتسينا قىزمەتكەرلەرى ءۇشىن جاعداي جاسالعان. اتاپ ايتقاندا, 2020 جىلدان باستاپ دارىگەرلەردىڭ ورتاشا جالاقىسى 60%-عا ءوستى, ياعني دارىگەرلەر جالاقىسى 210 مىڭ تەڭگەدەن 300 مىڭ تەڭگەگە دەيىن كوتەرىلدى. ال ورتا مەديتسينالىق پەرسونالدىڭ جالاقىسى 50%-عا, ياعني 130 مىڭ تەڭگەدەن 180 مىڭ تەڭگەگە دەيىن ارتتى. 2023 جىلى دارىگەرلەردىڭ جالاقىسىن تاعى 35%, ال ورتا مەديتسينالىق پەرسونالدىڭ جالاقىسىن 10%-عا ارتتىرۋ جوسپارلانىپ وتىر. 2020 جىلى ەلوردانىڭ جەرگىلىكتى بيۋدجەتىنەن 21 ماماندىق (283 گرانت) بويىنشا مەديتسينا ماماندارىن دايارلاۋ ءۇشىن 550 ملن تەڭگەدەن استام قاراجات ءبولىندى. بۇگىنگى تاڭدا 243 ستۋدەنت ءبىلىم الىپ جاتىر. كادر تاپشىلىعى ماسەلەسىن شەشۋ ماقساتىندا 2022-2023 وقۋ جىلىندا 245 گرانتقا قارجى ءبولىندى. سوڭعى ءۇش جىلدا ورتا مەديتسينالىق پەرسونالدى دايارلاۋعا 750 گرانت ءبولىندى (جىل سايىن 250 گرانتتان).
ەلوردادا 1,7 مىڭنان استام دارىگەر جانە 2,6 مىڭنان استام ورتا مەديتسينا قىزمەتكەرى بار. دەگەنمەن قالانىڭ دەنساۋلىق ساقتاۋ سالاسىنداعى پروبلەمالاردىڭ ءبىرى – كادر تاپشىلىعى. قازىر استانادا 140 دارىگەر جەتىسپەيدى
بۇگىنگى تاڭدا ەلوردانىڭ دەنساۋلىق ساقتاۋ سالاسىندا 314 مەديتسينالىق ۇيىم بولسا, سونىڭ 31-ءى قالا اكىمدىگىنە قارايدى. ودان بولەك 1 جەدەل جاردەم ستانساسى مەن وزگە دە ۇيىمدار, اتاپ ايتقاندا, جوعارى مەديتسينا كوللەدجى, ارنايى مەديتسينالىق جابدىقتاۋ بازاسى, مامانداندىرىلعان بالالار ءۇيى, پاتولوگواناتوميالىق بيۋرو مەن ايتۆ-مەن كۇرەس جانە پروفيلاكتيكاسى بويىنشا ورتالىق بار. قر ستراتەگيالىق جوسپارلاۋ جانە رەفورمالاۋ بويىنشا اگەنتتىكتىڭ ۇلتتىق ستاتيستيكا بيۋروسى دەپارتامەنتىنىڭ دەرەكتەرىنە سۇيەنسەك, ەلوردادا قازىرگى تاڭدا 1 340 782 ادام تۇرادى. وتكەن 10 ايدىڭ ىشىندە قالانىڭ جەدەل جاردەم قىزمەتى 550 مىڭ شاقىرتۋ بويىنشا قىزمەت ەتكەن, قالا ستاتسيونارلارىندا شامامەن 120 مىڭ ادام ەمدەلىپ شىققان. 50 مىڭنان استام وتا جاسالىپ, بمسك ۇيىمدارىنا قارالعاندار سانى 5 ملن ادامنان اسقان. ونىڭ 2 ملن-نان استامى سالالىق دارىگەرلەرگە قارالعان.
