قر مەملەكەتتىك قىزمەت ىستەرى اگەنتتىگىنىڭ استانا قالاسى بويىنشا دەپارتامەنتىندە تارتىپتىك كەڭەستىڭ كەزەكتى وتىرىسى ءوتتى. جيىندا جاڭا زاڭ بويىنشا ەنگىزىلگەن وزگەرتۋلەر تۋرالى جانە تارتىپتىك كەڭەس جۇمىسىنىڭ رەگلامەنتى تالقىلاندى.
جيىندى اشقان تارتىپتىك كەڭەس توراعاسى تىلەگەن قاسكين قر مەملەكەتتىك قىزمەتشىلەرىنىڭ ار-نامىس كودەكسى مەن سىبايلاس جەمقورلىققا قارسى زاڭناما تالاپتارىن بۇزعان لاۋازىمدى تۇلعالارعا قاتىستى تارتىپتىك ىستەر قارالاتىنىن ايتتى. اتاپ ايتقاندا, استانا قالاسى بويىنشا ەكولوگيا دەپارتامەنتىنىڭ باسشىسى, ساۋلەت جانە قالا قۇرىلىسى باسقارماسى باسشىسىنىڭ ورىنباسارلارى, ورتالىق كەدەن زەرتحاناسىنىڭ ءبولىم باسشىسى, استانا قالاسى سوت اكتىلەرىن ورىنداۋ دەپارتامەنتىنىڭ باسشىسى جانە مەكەمەنىڭ سوت ورىنداۋشىلارىنا قاتىستى تارتىپتىك ىستەر قارالدى.
وتىرىستىڭ قورىتىندىسى بويىنشا ناقتى شەشىمدەر قابىلدانىپ, مەملەكەتتىك ورگان باسشىلارىنا ءتيىستى ۇسىنىستار ەنگىزىلدى.
گۇلميرا شارحانقىزى
