ەرلىك تەك مايداندا سىنالماسا كەرەك. بەيبىت كۇننىڭ دە ءوز باتىرلارى بار.ۇندەمەي ءجۇرىپ, ۇيدەي جۇمىس تىندىرعان بۇگىنگىنىڭ قاھارماندارىن انىقتايتىن ءسات جەتكەن ءتارىزدى.ەلوردا اكىمدىگى «استانا» تەلەارناسىمەن بىرلەسىپ, «استانا تاڭداۋى – 2012» دەپ اتالاتىن تەلەۆيزيالىق جوبانىڭ تۇساۋىن كەستى.
بايقاعانىمىز, جوبانىڭ وزىندىك جاڭالىعى بار. الەۋمەتتىك-يدەولوگيالىق ماڭىزى دا زور. فورماتى دا وزگەشە. جوبانىڭ كوزدەگەن ماقساتى– ەلوردا تۇرعىندارىنىڭ ىشىنەن ءوز ىسىنە ادال, ەڭبەگىمەن حالىققا جاققان جانداردى تاڭداپ, ولاردى ەلىمىزگە تانىتۋ.
ال, سوندا «استانا تاڭداۋى» كىمنىڭ تاڭداۋىنا سۇيەنبەك؟ جوبانىڭ باستى ارتىقشىلىعى مەن ەرەكشەلىگىن وسى تۇستا باسا ايتا كەتۋ كەرەك.
تاڭداۋدى استانالىقتاردىڭ وزدەرى جاسايدى.
استانانىڭ ءاربىر تۇرعىنى ءوزى ءۇشىن ومىرلىك ۇلگىگە اينالعان جاندى وسى سايىسقا ۇمىتكەر رەتىندە ۇسىنا الادى. ياعني, باستى باسىمدىق قاراپايىم حالىقتىڭ ەنشىسىنە بەرىلىپ وتىر.
ول ءۇشىن ەرەكشە دەپ تاپقان تۇلعاڭىز جايلى جۇرەكجاردى پىكىرىڭىزدى نەمەسە ونىڭ كاسىبيلىگى مەن ادامگەرشىلىگىنە كۋا بولعان ءساتىڭىزدى جازىپ, استانا قالاسى اكىمدىگىنىڭ سايتىنا جولداساڭىز جەتىپ جاتىر.
ۇزدىكتەر بەس سالا بويىنشا ىرىكتەلىپ الىنباقشى. ياعني, قوعامدا ماڭىزعا يە – دارىگەر, مۇعالىم, ۋچاسكەلىك ينسپەكتور, قوعامدىق كولىك جۇرگىزۋشىسى جانە ادامگەرشىلىك قاسيەتىمەن ەرەكشەلەنگەن كەز كەلگەن ازاماتتى بايقاۋعا قاتىسۋشى رەتىندە تىركەي الاسىز.
ونى تىركەۋدىڭ دە قالىپتاسقان قاعيدا شارتتارى بار. الدىمەن, استانا قالاسى اكىمدىگىنىڭ رەسمي سايتىندا جاريالانعان انكەتانى تولتىرۋىڭىز كەرەك. انكەتانىڭ بارلىق جولاقتارىنداعى اقپاراتتى تولىق ءارى انىق تۇردە ەنگىزگەنىڭىز ءجون.ءبىر انكەتادا بەس كاتەگوريانىڭ تەك بىرەۋىنە سايكەس كەلەتىن تۇرعىن جايلى اڭگىمەڭىزدى جازا الاسىز.
ءبىر ەلەكتروندى مەكەن-جايدان ءبىر عانا اڭگىمەڭىزدى جازىپ جىبەرە الاسىز.
شىنار دوسان
سۇبەلى ءسوز
بولات تىلەپوۆ,
استانا قالاسى ىشكى ساياسات باسقارماسىنىڭ باستىعى:— كەز كەلگەن قالا ءوزىنىڭ تۇرعىندارىمەن ماقتانادى. قاراپايىم جانداردىڭ «تەڭىزگە تامعان تامشىداي» جۇمىسىنىڭ ناتيجەسىندە كوركەيەدى. ءتىپتى مەملەكەتتىڭ نەگىزگى سۇيەنەر كۇشى دە ونىڭ قاراپايىم حالقى. ەلوردا اكىمى يمانعالي تاسماعامبەتوۆتىڭ يدەياسىنان تۋعان جوبا اياسىندا وسىنداي جانداردىڭ بەيبىت كۇندەگى ەرلىگى مەن جاقسى ىستەرىن ۇلىقتاۋدى ماقسات ەتىپ وتىرمىز. جەڭىمپازداردىڭ سۋرەتتەرىن ەلوردانىڭ تۋعان كۇنى قارساڭىندا بيلبورد ەتىپ قالانىڭ ورتالىعىنا ءىلىپ قوياتىن بولامىز.
جاننۇر ايداربەكوۆا,
«استانا» تەلەارناسىنىڭ كوممەرتسيالىق ديرەكتورى:
— مۇنداي جوبا ءبىزدىڭ تەلەارنا تاريحىندا بۇرىن-سوڭدى بولماعان. الەۋمەتتىك سالا قىزمەتكەرلەرىنىڭ ءوز جۇمىسىنا دەگەن ىنتاسىن ارتتىرۋدا ماڭىزى زور دەپ ويلايمىن. ءبىز ءوز تاراپىمىزدان جارناماسىن جاقسىلاپ جاساپ جاتىرمىز. 31 مامىرعا دەيىن كەلىپ تۇسكەن ۇسىنىستاردى قاراپ شىعىپ, كوپشىلىككە ۇلگى ەتۋگە تۇرارلىق كەيىپكەرلەر جايىندا قىسقاشا بەينە روليكتەر ءتۇسىرىپ حالىق نازارىنا ۇسىناتىن بولامىز. بۇل حالىقتىڭ دۇرىس تاڭداۋ جاساۋىنا سەپتىگىن تيگىزەدى. ال, ەڭ سوڭىندا جەڭىمپاز دەپ تابىلعان 5 ادام جايىندا قىسقا مەتراجدى كينو ءتۇسىرۋدى دە جوسپارلاپ وتىرمىز.
تاعى ءبىر ەسكەرەتىن نارسە, ۇسىنىستار تەك 1-31 مامىر ارالىعىندا عانا قابىلدانادى. بايقاۋعا قاتىسۋشىلاردىڭ ەسىمىمەن ىرىكتەۋ اياقتالعان سوڭ, ياعني 1 ماۋسىم- نان باستاپ اكىمدىكتىڭ سايتى ارقىلى تانىسۋعا بولادى.سول ارقىلى حالىق ءوز داۋسىن بەرە الادى.
داۋىس بەرۋ 1-20 ماۋسىم ارالىعىندا جۇرگىزىلەدى. سوسىن, 1 شىلدەگە دەيىن ءاربىر سالانىڭ ءوز ۇزدىگى انىقتالىپ, اتى وزىپ كەلگەن جاندار استانا كۇنى مەرەكەسى قارساڭىندا ماراپاتتالاتىن بولادى.
