جۋىردا اقوردادا مەملەكەتتىك رامىزدەر جونىندەگى رەسپۋبليكالىق كوميسسيانىڭ وتىرىسى بولىپ ءوتتى. وندا, مەملەكەتتىك ورگاندار ەلىمىزدىڭ رامىزدەرىنە قاتىستى زاڭ بۇزۋشىلىقتار بويىنشا باق, قوعامداستىق وكىلدەرىنىڭ نەمەسە دەپۋتاتتاردىڭ قالاي ارەكەت ەتەتىنىن كۇتىپ وتىرماۋى كەرەكتىگى, زاڭناما نەنى تالاپ ەتسە, سونى جاساۋى قاجەت ەكەندىگى ايتىلدى…
بيىك مىنبەرلەردەن مىندەتتەلەتىن مۇنداي كەزەكتى تاپسىرماعا نازار اۋدارماس تا ەدىك, ءبىر ≪بىراعى≫ ىشىنە بۇگۋلى بولماعاندا. ≪ەلباسى ن.نازارباەۆ ءوز سوزىندە ء≪بىز تاۋەلسىزدىگىمىزدىڭ رامىزدەرىن كوزدىڭ قاراشىعىنداي ساقتاۋىمىز كەرەك. ەلىمىزدىڭ ءاربىر ازاماتى قازاقستاننىڭ تۋى, ەلتاڭباسى, ءانۇرانىن ەرەكشە قۇرمەتتەۋگە مىندەتتى. ويتكەنى, ولار ءبىزدىڭ ەڭ كيەلى قۇندىلىقتارىمىز≫ دەپ اتاپ وتكەن بولاتىن≫ – دەدى كوميسسيا توراعاسى مەملەكەتتىك حاتشى مۇحتار قۇل-مۇحاممەد سويلەگەن سوزىندە. ەندەشە, ەرەك قۇرمەتكە يە قاستەرلىمىزدى قادىرلەۋ كەرەكتىگى نەلىكتەن بىزگە (قازاقستان حالقىنا دەپ وقىڭىز – ن.م) ≪تايت≫ كورمەگەن بالاداي تاپتىشتەپ تۇسىندىرىلە بەرۋى كەرەك؟! بۇل – سايىپ كەلگەندە, ءبىزدىڭ تاۋەلسىز ەل ەكەنىمىزگە سەندىرىپ وتىرۋ- مەن بىردەي دۇنيە سەكىلدەنەدى. ويتكەنى, رامىزدەرىمىز – سول تاۋەلسىزدىگىمىزدىڭ بىردەن-ءبىر دالەلى سياقتى ەدى عوي؟!
…باعزى جاۋگەرشىلىك زاماندارىندا ءار قالىڭ قولدىڭ اراسىندا تۋ كوتەرىپ جۇرەتىن ارنايى جاۋىنگەر بولادى ەكەن. ونى ≪بايراقتار≫ دەپاتاعان. سول تۋ كوتەرگەن ادامنىڭ ءتورت جاعىندا ءتورت وققاعار-نوكەرى بولادى ەكەن. قاندايما ۇرىس بولماسىن, بارىن بەرىپ, جانىن بەرىپ, الگىلەر بايراقتاردى قورعاعان. ويتكەنى, ≪تۋ قۇلادى دەگەنشە, جاۋدان جەڭىلدىم دەسەڭشى≫ دەگەنگە ساياتىن ۇعىم بولعان. ءام الدەبىر ساكرالدى ماعىناعا تەك تۋ ەمەس, ەلتاڭبا دا يە-تۇعىن. مارتوبە, ورداباسى, كۇلتوبەدەگى جيىنداردىڭ ايعاعى ≪تاڭبالى تاسقا≫ رۋلار تاڭباسى بەكەردەن-بەكەر قاشالماسا كەرەك-ءتى. ال, ۇراننىڭ تىلسىم قۇدىرەتىن, ≪يا, ارۋاق≫ دەسكەن ءار قازاق بىلەتىن شىعار, تەگىندە. اتا بابالارىمىزعا ۇلتتى بۇگىندە قازاق قالپىندا وسى ۋاقىتقا اماناتتاۋعا بىردەن-ءبىر سەبەپشى دە وسى ۇشەۋى – تۋ, تاڭبا, ۇران بولسا كەرەك-ءتى.
…ىلگەرىدەگى ساركازمنىڭ تابى بايقالاتىن ريتوريكالىق ساۋال- دارىمىز دا, الدىمەن, وزىمىزگە باعىتتالعان بولاتىن. ايتپەسە, اتالعان تاپسىرمالاردىڭ قانداي جاعداياتتاردان تۋىنداپ وتىرعانىن بىلەدى دەپ ويلايمىز, قۇلاعى تۇرىك وقىرمان. ايتپەسە, ≪تۋ قۇلادى دەگەنشە, ەل قۇلادى دەسەڭشى…≫
نۇربەرگەن ماقىم
