«رەسپۋبليكالىق دياگنوستيكالىق ورتالىعىنان» ءورت شىقتى. ونىمەن كۇرەسۋ ءۇشىن وقيعا ورنىنا ەسىل اۋدانىنىڭ توتەنشە جاعدايلار باسقارماسىنىڭ جەكە قۇرامى كەلىپ جەتتى. ولار جەتكەندە, عيماراتتاعىلاردىڭ نەگىزگى بولىگى سىرتقا شىعىپ ۇلگەرگەن ەكەن. الايدا قىزىل جالىن جولدارىن بوگەپ, جوعارعى قاباتتاردا بىرنەشە ادام قالعانى انىقتالدى. ءورت سوندىرۋشىلەر ولاردى قۇتقارۋ ءۇشىن ارنايى ساتىنى قولداندى. ءيىس تيگەن ءبىر ادام تومەن ءتۇسىرىلىپ, وعان سول جەردە العاشقى دارىگەرلىك كومەك كورسەتىلدى. باسقالار ءدىن امان قالىپتا ارىپتەستەرىنىڭ قاتارىنا قوسىلدى.
شوشىپ قالماڭىزدار, بۇل جاي عانا وسىنداي جاعدايدا دارىگەرلەردى شۇعىل ارەكەت ەتۋگە, سونىڭ ىشىندە ءورت سوندىرگىش قۇرالدى پايدالانۋعا ۇيرەتكەن وقۋ-جاتتىعۋ جيىنى بولاتىن. اق حالاتتى ابزال جاندار ول سىننان سۇرىنبەدى. ونى قورىتىندى ءسوز سويلەگەن ەسىل اۋدانىنىڭ توتەنشە جاعدايلار باسقارماسىنىڭ باسشىسى ە.بايىروۆ اتاپ ءوتتى.
ونىڭ ايتۋىنشا, وسىنداي جيىندار جىلىنا شامامەن بەس رەت وتكىزىلەدى. ماقساتى بەلگىلى: توتەنشە جاعدايلارعا ادامداردى دايىنداۋ, وقىس وقيعا بولا قالعان جاعدايدا ءتيىستى ءىس-قيمىلداردى اتقارۋعا ۇيرەتۋ.
امانعالي قالجانوۆ
