قازاقستان حالقى بىرلىگى كۇنىنە ارنالعان «دوستىق كەرۋەنى» مەرەكەلىك كونتسەرتى ۇيىمداستىرىلدى. قويىلىم م.وتەمىسوۆ اتىنداعى مەكتەپ وقۋشىلارى سارايىندا ءوتتى. استانا قالاسىنىڭ جالپى ءبىلىم بەرەتىن جانە جەكسەنبىلىك مەكتەپتەرىنىڭ تاربيەلەنۋشىلەرى كورەرمەندەر نازارىنا ءتۇرلى ۇلتتاردىڭ اندەرى مەن بيلەرىن ۇسىندى. دالا كازاكتارىنىڭ چاستۋشكىلەرى, ماترەشكالار ءبيى, كوڭىلدى ۋكراين اندەرى مەن قىزۋ قاندى كاۆكاز حالىقتارىنىڭ بيلەرى, تاعى دا باسقا حالىقتاردىڭ ونەرلەرى جينالعان قاۋىمنىڭ كوڭىلدەرىنەن شىعىپ, الاقان قىزدىرا قول سوعىلدى. قالا تۇرعىندارى مەن قوناقتارى, ءجاسوسپىرىم ارتىستەردىڭ اتا-انالارى, م.وتەمىسوۆ اتىنداعى مەكتەپ وقۋشىلارى سارايىنىڭ ارداگەرلەرى وسى ءداستۇرلى مەرەكەدە دوستىق پەن قازاقستان حالقىنىڭ بىرلىگى مەن تۇتاستىعىن ءان ايتۋ مەن بي بيلەۋ تۇرىندە جەتكىزگەنى ءۇشىن جاس ونەرپازدارعا ريزاشىلىقتارىن ءبىلدىردى.
ىرىستى جالعاسباي
