قازاقستان رەسپۋبليكاسىنىڭ ەكونوميكالىق دامۋ جانە ساۋدا مينيسترلىگى مەن «سامۇرىق-قازىنا» ۇلتتىق ءال-اۋقات قورى» اكتسيونەرلىك قوعامى وكىلدەرىنىڭ قاتىسۋىمەن قالالىق اكتيۆتىڭ كەڭەسى ءوتتى.
كەڭەستە «حالىقتىق IPO» باعدارلاماسىنا قاتىسۋدىڭ تالاپتارى مەن ءتارتىبى ءتۇسىندىرىلدى.
قازاقستاندىقتاردىڭ ءىرى ۇلتتىق كومپانيالار اكتسيالارىن ساتىپ الۋىنا, سونداي-اق ولاردىڭ پايداسىنىڭ ءبىر بولىگىن الىپ قانا قويماي, ولاردىڭ دامۋىنا قاتىسۋعا دا مۇمكىندىك بەرەتىن بىرەگەي باعدارلاماعا قالا تۇرعىندارى قىزىعۋشىلىق كورسەتۋدە. جيىندا حالىقتىڭ قارجىلىق ساۋاتىن كوتەرۋ ارقىلى ءتيىمدى جوبالارعا قاتىسۋ بەلسەندىلىگىن ارتتىرۋ قاجەتتىگى ايتىلدى.
كەڭەس بارىسىندا «سامۇرىق-قازىنا» ۇلتتىق ءال-اۋقات قورى» اكتسيونەرلىك قوعامى اقپاراتتىق-تالداۋ دەپارتامەنتىنىڭ اعا تالداۋشىسى ەرلان قىلباەۆ كوپشىلىكتىڭ سۇراقتارىنا جاۋاپ بەرىپ, جاڭا باعدارلامانىڭ جۇمىس ىستەۋ تەتىكتەرى مەن تالاپتارى جايىندا تولىق اقپارات بەردى.
ايگۇل ۋايسوۆا
