ەركەعالي راحماديەۆ اتىنداعى مەملەكەتتىك اكادەميالىق فيلارمونياسىنىڭ «سارىارقا» حالىق مۋزىكا ءانسامبلى «سول ءبىر كەز» اتتى رەترو كونتسەرتىن ۇسىندى.
ەسكى بولسا دا, ەشقاشان ەسكىرمەيتىن ەستى اندەر كەشىندە حالىق اندەرى, ءشامشى قالداياقوۆ, ءابىلاحات ەسپاەۆ, اسەت بەيسەۋوۆ, ەسكەندىر حاسانعاليەۆ, جاقسىگەلدى سەيىلوۆ, تولەگەن مۇحامەدجانوۆ سىندى قازاقتىڭ كورنەكتى كومپوزيتورلارى مەن يسااك دۋناەۆسكي, ۆلاديمير شاينسكي, الەكساندر زاتسەپين سەكىلدى كەڭەس جانە ورىس سازگەرلەرىنىڭ تۋىندىلارى شىرقالدى. سونداي-اق ەلگە سۇيىكتى فيلمدەردىڭ اندەرى مەن اۋەندەرى قالىقتادى. اتاپ ايتقاندا, «گۇل الماتى», «اناعا سالەم», «مارالدىم», «شاقىرادى كوكتەم» سىندى باياعىنىڭ باياندى اندەرىمەن قاتار, «تاقيالى پەرىشتە», «قىزمەتتىك رومان», «كاۆكاز تۇتقىنى», «ماحاببات بەكەتى» سىندى جانە ت.ب. سۇيىكتى فيلمدەردىڭ اندەرى ورىندالدى.
كەشكە قازاقستاننىڭ ەڭبەك سىڭىرگەن ءارتىسى مايرا ءىلياسوۆا, قازاقستاننىڭ ەڭبەك سىڭىرگەن قايراتكەرلەرى ەستاي مۇقاشەۆ, سۆەتلانا ايتباەۆا, ازامات جىلتىركوزوۆ, ارايلىم راحىم, مادەنيەت سالاسىنىڭ ۇزدىگى نۇراي تاناباەۆ, «دارىن» مەملەكەتتىك جاستار سىيلىعىنىڭ لاۋرەاتتارى نۇربول بالاپانوۆ, اقبوتا قۇسنادين جانە باسقا دا ونەرپازدار, «ALEM» زاماناۋي بي بالەتى قاتىستى.
كەش قوناقتارى «دوس-مۇقاسان» فيلمىندە باستى رولدەردى سومداعان استانالىق «جاستار» تەاترىنىڭ ارتىستەرى مەيىرعات امانگەلدين, ەلدوس شايكەنوۆ, سايات ماقۇلباەۆ تا كورەرمەندەرگە سۇيىكتى اندەرىن ەسكە ءتۇسىردى.
