ل.گۋميلەۆ اتىنداعى ەۋرازيا ۇلتتىق ۋنيۆەرسيتەتى ورتالىق جانە شىعىس ەۋروپا ەلدەرىنىڭ ساپا جاعىنان ح حالىقارالىق ءتۋرنيرىنىڭ جەڭىمپازى اتاندى.
«ءىرى كاسىپورىن» اتالىمىن يەلەنگەن ەۇۋ-گە جۇلدە تاپسىرۋ ءراسىمى 5 جەلتوقسان كۇنى لەۆەن قالاسىندا ەۋروپالىق ساپا ۇيىمى (EOQ) باس اسسامبلەياسىنىڭ 123-وتىرىسىندا ءوتتى. سالتاناتتى راسىمگە ۋنيۆەرسيتەت اتىنان تەحنيكا عىلىمدارىنىڭ دوكتورى, پروفەسسور, ساۋلەت جانە قۇرىلىس فاكۋلتەتىنىڭ دەكانى تالعات بايتاسوۆ ارنايى بارىپ قايتتى.
كاسىپورىن قاتىسۋشىلارىن EFQM جەتىك مودەلى بويىنشا باعالاعان شاراعا 30-دان اسا ەۋروپالىق ساپا جونىندەگى ۇلتتىق ۇيىم كوشباسشىلارى مەن ەۋروپالىق كەڭەس پرەزيدەنتى ۆان رومپەي قاتىستى. حالىقارالىق تۋرنيردە قول جەتكىزگەن ەۋرازيا ۇلتتىق ۋنيۆەرسيتەتىنىڭ بۇل جەڭىسى كاسىبي مامانداردى دايارلاۋدىڭ جوعارى دەڭگەيدە ەكەنىن تاعى ءبىر مارتە كورسەتسە كەرەك.
ورتالىق جانە شىعىس ەۋروپا ەلدەرىنىڭ ساپا جاعىنان حالىقارالىق ءتۋرنيرى بۇكىلرەسەيلىك ساپا ۇيىمى, ورتالىق جانە شىعىس ەۋروپا ەلدەرىنىڭ ساپا جاعىنان ۇلتتىق ۇيىمدارى, ەۋروپالىق ساپا مەنەدجمەنتى قورىنىڭ (EFQM) قولداۋىمەن 2005 جىلدان بەرى وتكىزىلىپ كەلەدى.
ايتا كەتكەن ءجون, ل.گۋميلەۆ اتىنداعى ەۋرازيا ۇلتتىق ۋنيۆەرسيتەتى بۇعان دەيىن قازاقستان رەسپۋبليكاسى پرەزيدەنتىنىڭ 2012 جىلعى «التىن ساپا» يەگەرى, ساپا جانە قىزمەت كورسەتۋ بويىنشا تمد ەلدەرى
اراسىندا توپ جارعان جوو اراسىندا الەمدىك رەيتينگتە الدىڭعى ورىنداعى وقۋ ورنى. مۇنداي جوعارى اتاق پەن ماراپاتقا يە بولۋ – تاريح عىلىمدارىنىڭ دوكتورى, قر ۇعا كوررەسپوندەنت مۇشەسى, رەكتور ەرلان سىدىقوۆ باسشىلىق ەتەتىن ۋنيۆەرسيتەتتىڭ پروفەسسور وقىتۋشىلار قۇرامى مەن ۇجىم ەڭبەگىنىڭ ناتيجەسى.
