استانادا قازاقستاننىڭ ەۋرازيالىق بيزنەس قاۋىمداستىعىنىڭ اياسىندا قر ينۆەستيتسيالىق كليماتىن جاقسارتۋ ماقساتىنداعى دوڭگەلەك ۇستەل ءوتتى.
مۇناي باعاسىنىڭ قۇلدىراۋى سەبەبىنەن الەمدىك ەكونوميكادا قالىپتاسقان جاعداي بىزگە دە سالقىنىن تيگىزدى. سوعان قاراماستان, قازاقستان يندۋستريالاندىرۋ ساياساتىن ودان ءارى ءجۇرگىزىپ, ينۆەستيتسيا تارتۋدى جالعاستىرىپ كەلەدى. بۇل سالانىڭ بۇعان دەيىنگى كورسەتكىشى دە ەل ەكونوميكاسى قۋاتىنىڭ ارتقاندىعىن جانە ينۆەستيتسيالىق تارتىمدىلىعىنىڭ دالەلى بولسا كەرەك. ماسەلەن, سوڭعى ون ءبىر جىلدا 220 ملرد دوللار شەتەلدىك تىكەلەي ينۆەستيتسيا ەكونوميكانىڭ ءتۇرلى سالالارىنا جان ءبىتىرىپ, جۇمىسىن جانداندىردى. سونىڭ ىشىندە يندۋستريالاندىرۋ باعدارلاماسىنىڭ اياسىندا 2005 جىلدان بەرى تىكەلەي تارتىلعان ينۆەستيتسيانىڭ 77% ەل ەكونوميكاسىنىڭ اۋقىمدى ءبولىگىن الىپ جاتقان وڭدەۋ سالاسىنا قۇيىلعان.
ال قازىرگى كەزدە استانا ينۆەستيتسيا تارتۋدىڭ ورتالىعىنا اينالىپ وتىر. مىسالى, وتكەن جىلى قالاعا تارتىلعان ينۆەستيتسيا كولەمى 772,7 ملرد تەڭگە بولىپ, 2014 جىلمەن سالىستىرعاندا 17% وسكەن.
ينۆەستيتسيا تارتۋ ماسەلەسىندە ۇكىمەتتە تىنىمسىز جۇمىس ىستەۋدە. ۇكىمەت باسشىسى جانىنان ترانسۇلتتىق كومپانيالاردىڭ قاتىسۋمەن جاسالىپ جاتقان ءىرى ينۆەستيتسيالىق جوبالاردىڭ جۇمىسىن باقىلاۋ ءۇشىن ارنايى كەڭەس قۇرىلدى.
سونداي-اق, سىرتقى ىستەر مينيسترلىگىمەن بىرلەسە وتىرىپ, ينۆەستيتسيا بويىنشا ارنايى كەڭەسشىلەر جىبەرىلەتىن 10 ەل انىقتالدى. ولار: اقش, ۇلىبريتانيا, يتاليا, وڭتۇستىك كورەيا, يران, جاپونيا, گەرمانيا, فرانتسيا, قىتاي, ءۇندىستان.
