جول قوزعالىسى قاۋىپسىزدىگىنىڭ ونكۇندىگى اياسىندا ەلوردانىڭ ىشكى ىستەر دەپارتامەنتى اۆتوشەرۋ وتكىزدى.
قالاداعى «Sport rassing» جانە «Astana Raiders MCC» سەكىلدى اۆتومەكتەپتەرمەن بىرلەسىپ ۇيىمداستىرىلعان شارا «بالالاردىڭ جولداعى قاۋىپسىزدىگى ءۇشىن!» دەپ اتالادى. ول شاھاردىڭ ەسكى بولىگىندەگى كوشەلەردەن باستالىپ, «بايتەرەك» مونۋمەنتى جانىندا مارەگە جەتتى. اكتسيا بارىسىندا پوليتسەيلەر وزدەرىنىڭ كىشكەنتاي كومەكشىلەرى – جول قوزعالىسىنىڭ جاس ينسپەكتورلارىمەن بىرگە جۇرگىزۋشىلەرمەن اڭگىمەلەسىپ, تاقىرىپتىق بۋكلەتتەر تاراتتى.
