كەسكىندەمە ونەرىنىڭ كەلىستى ورنەكتەرى
قر ۇلتتىق مۋزەيىندە «ورىس كەسكىندەمە ونەرىنىڭ ءتورت عاسىرى» اتتى كورمە وتۋدە. مۇندا رەسەي سۋرەتشىلەر وداعى مەن «روسيزو» مەملەكەتتىك مۋزەي-كورمە ورتالىعى, تۆەر وبلىستىق سۋرەت گالەرەياسى, يۆانوۆو وبلىستىق كوركەمسۋرەت مۋزەيى جانە سەرپۋحوۆ تاريحي-كوركەمسۋرەت مۋزەيىنىڭ بىرلەسكەن بىرەگەي ەكسپوزيتسياسى ۇسىنىلىپ وتىر.
كورمەگە ورىس رەاليستىك مەكتەبى كلاسسيكتەرىنىڭ, ورىس اۆانگاردىنىڭ الەمگە تانىمال حاس شەبەرلەرى مەن سوتسرەاليزم سۋرەتشىلەرىنىڭ 90-نان استام جۇمىستارى قويىلعان. كەلۋشىلەر ا.ۆەنەتسيانوۆتىڭ, ۆ.ءتروپينيننىڭ, س.ششەدريننىڭ سيرەك كورسەتىلەتىن تۋىندىلارىمەن, تاريحي جانە ەپيكالىق سيپاتتاعى كارتينالاردىڭ شەبەرى ي.رەپين, ۆ.سۋريكوۆ, ۆ.ۆەرەششاگين, ۆ.پولەنوۆ سىندى بەلگىلى ورىس سۋرەتشىلەرىنىڭ شىعارمالارىمەن تانىسا الادى. سونىمەن قاتار, ي.ايۆازوۆسكي, ا.ساۆراسوۆ, ي.لەۆيتان, س.جۋكوۆسكي سىندى ورىستىڭ تاڭعاجايىپ تابيعاتىن اسقان سەزىمتالدىقپەن جىرلاعان پەيزاج جانرى ۇزدىكتەرىنىڭ جۇمىستارىن كوركەمسۋرەت جيناعىنىڭ ەرەكشە قۇندىلىعى رەتىندە اتاپ وتۋگە بولادى. سوتسياليستىك ونەر شىعارمالارى رەتىندە ا.كورزۋحيننىڭ, ماكوۆسكيلەردىڭ, ن.ياروشەنكونىڭ جۇمىستارى قويىلعان. وعان قوسا, ۆ.براينين, ت. نازارەنكو, ي.ستارجەنەتسكايا, ن.نەستەروۆا سياقتى قازىرگى زامانعى ورىس سۋرەتشىلەرى مەن كەسكىندەمە ونەرىنىڭ باسقا دا بەلگىلى تۇلعالارى ۇسىنعان تاماشا ەڭبەكتەرمەن تانىسا الاسىز. كورمەنىڭ پانورامالىق شولۋىن گ.مىزنيكوۆتىڭ, ۆ.كالينيننىڭ, ا.اتاحانوۆتىڭ جۇمىستارى اياقتايدى.
«كەنەپ بەتىنە تۇسىرىلگەن كەسكىندەمە ونەرى ارقىلى يمپەريالىق رەسەي, كەڭەستىك رەسەي, رەسەي فەدەراتسياسىنىڭ بۇكىل تاريحىن كورۋگە بولادى» دەيدى قر ۇلتتىق مۋزەيىنىڭ زاماناۋي مۇراجاي ءبولىمىنىڭ جەتەكشىسى روزا ابەنوۆا. كورمە 14 قىركۇيەككە دەيىن جالعاسادى.
ەركەجان ساتىمبەك