جاڭا وقۋ جىلى جاقىنداعان سايىن شاكىرتتەردىڭ مەكتەپكە دايىندىعى ماسەلەسىنە ءجيى كوڭىل بولىنۋدە. وسىعان وراي, كەشە ەلوردالىق ءبىلىم باسقارماسىنىڭ باسشىسى ءانۋار جانعوزين جۋرناليستەردى جيناپ, بريفينگ وتكىزدى.
– الەۋمەتتىك جاعدايى ناشار وقۋشىلار ءۇشىن كومەك ەكى تاراپتان بەرىلەدى. ونىڭ ءبىرىنشىسىن جالپىعا مىندەتتى وقۋ قورى ۇسىنادى. وعان مىنا ساناتتاعىلار, اتاپ ايتساق, اتاۋلى الەۋمەتتىك كومەك الاتىن نەمەسە تابىستارى ەڭ تومەنگى كۇنكورىس دەڭگەيىنەن از نەمەسە توتەنشە جاعدايعا تاپ بولعان وتباسىلاردان شىققان, جەتىم نەمەسە اتا-انا قامقورلىعىنسىز قالعان بالالار قول جەتكىزە الادى. ال جوعارىداعى ساناتتارعا كىرمەيتىن, بىراق كومەككە مۇقتاج وقۋشىلار «مەكتەپكە جول» اكتسياسى بويىنشا كەرەك-جاراقپەن قامتاماسىز ەتىلەدى, – دەدى ءبىلىم باسقارماسىنىڭ باسشىسى.
ونىڭ ايتۋىنشا, جالپىعا مىندەتتى وقۋ قورى ۇسىناتىن باعدارلامانىڭ اياسىندا بالالارعا كۇنىنە ءبىر رەت ىستىق تاماق, مەكتەپ فورماسى مەن سپورتتىق كيىم, اياق كيىم, قاجەت بولعان جاعدايدا قىستىق كيىم-كەشەك, مەكتەپكە كەرەكتى كەڭسە تاۋارلارى, جازعى لاگەرلەرگە جولداما, مادەني جانە سپورتتىق ءىس-شارالارعا قاتىسۋعا مۇمكىندىك, ايلىق جولاقى كارتوچكالارى بەرىلەدى. وتكەن وقۋ جىلىندا اتالعان باعدارلاما شەڭبەرىندە 2 مىڭنان اسا بالا قامتىلىپتى, بيىل بۇل كورسەتكىش شامامەن 5 مىڭدى قۇراماق. دەگەنمەن جىلدىڭ اياعىنا قاراي 8 مىڭعا دەيىن جەتۋى ابدەن مۇمكىن.
ءبىر ايتا كەتەرلىگى, وسى تاۋارلاردى مەكتەپتەرگە جەتكىزىپ بەرۋمەن اينالىساتىن ۇيىمدار بايقاۋ نەگىزىندە ىرىكتەلەدى. زاتتاردىڭ ساپاسى بويىنشا نارازىلىقتار تۋماس ءۇشىن بيىلدان باستاپ بايقاۋ كوميسسياسىنىڭ قۇرامىنا مەكتەپ مۇعالىمدەرىمەن قاتار اتا-انالار دا كىرەدى.
ال «مەكتەپكە جول» اكتسياسىنا كەلسەك, ول وسىمەن ون ەكىنشى رەت ۇيىمداستىرىلماقشى. سونىڭ ناتيجەسىندە بيىلعى وقۋ جىلى قارساڭىندا 3 مىڭنان اسا استانالىق وقۋشى مەكتەپكە قاتىستى كەرەك-جاراقتارىن تۇگەندەيدى. وتكەن جىلى وسى شارانىڭ كومەگىمەن 7,5 مىڭ بالاعا 153 ملن تەڭگە كولەمىندە كومەك كورسەتىلگەن ەكەن, ونىڭ ىشىندە 6 مىڭنان اسا وقۋشىعا كومەك دەمەۋشىلەر تاراپىنان بولعان. ال جالپى ون ءبىر جىل بويى «مەكتەپكە جول» شاراسى 71 مىڭ شاكىرتتى 816 ملن تەڭگە كولەمىندە كومەكپەن قامتىپتى. Vaikų stovyklos, Chemijos, biologijos, matematikos, lietuvių kalbos korepetitoriai, anglų kalbos pamokos https://intellectus.lt/
