استانادا قار ارالاس جاڭبىر جاۋعاننان بەرى كوشەلەردى تازارتۋ ءۇشىن كوممۋنالدىق قىزمەتتەر كۇشەيتىلگەن رەجيمدە جۇمىس ىستەۋدە.
قار كۇرەۋ جۇمىسى تاۋلىك بويى جۇرگىزىلىپ وتىر. كۇندىزگى اۋىسىمدا 1000-نان اسا ارنايى تەحنيكا جۇمىلدىرىلىپ, 2000-نان اسا جول جۇمىسشىسى ەڭبەك ەتۋدە. ال تۇنگى اۋىسىمدا 700-دەي تەحنيكا مەن 700-دەي جول جۇمىسشىسى قامتىلىپ وتىر.
ءبىرىنشى كەزەكتە ورتالىق كوشەلەر, جولاۋشىلار كولىگى مارشرۋتتارى, ايالدامالار مەن تروتۋارلار تازالانىپ جاتىر. سونىمەن قاتار كوكتايعاق كەزىندە قالا تۇرعىندارىنىڭ قاۋىپسىز ءجۇرۋى ءۇشىن جولدارعا, تروتۋارلار مەن كوشەلەرگە قۇم-تۇز قوسپاسى سەبىلەدى.
وتكەن دەمالىس كۇندەرى قار ارالاس جاڭبىر جاۋعانىنا بايلانىستى ءبىر تاۋلىكتە قالا سىرتىنداعى پوليگوندارعا 2,1 مىڭ اۋىر جۇك رەيسى ارقىلى 27 مىڭ تەكشە مەتر سۋلى قار شىعارىلدى. جالپى, قىس مەزگىلىنىڭ باسىنان بەرى قالادان 6,1 ملن تەكشە مەتردەن استام قار شىعارىلدى, بۇل 451 مىڭنان استام اۋىر جۇك كولەمىنە تەڭ جۇك بولدى.
