وسى اپتادا قر مەملەكەتتىك قىزمەت ىستەرى اگەنتتىگىنىڭ استانا قالاسىنداعى تارتىپتىك كەڭەسىنىڭ كەزەكتى وتىرىسى ءوتتى.
دەپارتامەنت باسشىسى تىلەگەن قاسكيننىڭ توراعالىعىمەن وتكەن جيىندا استانا قالاسى بويىنشا ەكونوميكالىق جانە سىبايلاس جەمقورلىققا قارسى كۇرەس دەپارتامەنتىنىڭ جانە باس كولىك پروكۋراتۋراسىنىڭ ۇسىنىستارى نەگىزىندە جەمقورلىققا قارسى زاڭناما مەن مەملەكەتتىك قىزمەتشىلەردىڭ ار-نامىس كودەكسىنىڭ تالاپتارىن بۇزعانى ءۇشىن بىرنەشە لاۋازىمدى تۇلعانىڭ ءتارتىبى قارالدى.
اتاپ ايتقاندا, استانا قالاسى ءبىلىم باسقارماسىنىڭ №47 «اقجەلكەن» بالاباقشاسىنىڭ مەڭگەرۋشىسى گۇلپان شوقاەۆا, استانا قالاسى ىشكى ىستەر دەپارتامەنتىنىڭ اعا ينسپەكتورى, پوليتسيا مايورى قيات كوشكىنباەۆ, قر تابيعي مونوپوليالاردى رەتتەۋ اگەنتتىگىنىڭ استانا قالاسى بويىنشا دەپارتامەنتىنىڭ باسشىسى باحتيار اتالىقوۆ جانە قر جوعارعى سوتىنىڭ جانىنداعى سوتتاردىڭ قىزمەتىن قامتاماسىز ەتۋ دەپارتامەنتىنىڭ استانا قالاسىنىڭ اۋدانارالىق ماماندىرىلعان اكىمشىلىك سوتىنىڭ كەڭسە مەڭگەرۋشىسى دانا پىرىمقۇلوۆاعا قاتىستى تارتىپتىك ىستەر تارازىلاندى. ناتيجەسىندە ءبىرى اتقارىپ وتىرعان قىزمەتىمەن قوش ايتىسسا, ەندى بىرىنە ءتيىستى تارتىپتىك جازاعا تارتۋ تۋرالى ۇسىنىستار ەنگىزىلدى.
گۇلميرا ايماعانبەت
