قازاقستاننىڭ يسپانياداعى ەلشىسى دانات مۇساەۆ يسپانيانىڭ جەتەكشى جوعارى وقۋ ورىندارىنىڭ ءبىرى – سەۋ سان-پابلو ۋنيۆەرسيتەتىندە وتكەن «ورتالىق ازيا مەن ازىربايجانعا يسپان ينۆەستيتسيالارىنىڭ جولدارىن اشۋ» كونفەرەنتسياسىندا ءسوز سويلەدى, دەپ حابارلايدى astana-akshamy.kz.
ءىس-شاراعا ساۋدا جونىندەگى مەملەكەتتىك حاتشىنىڭ وكىلى ماريا پەنيا, ءازىربايجاننىڭ يسپانياداعى ەلشىسى راميز حاسانوۆ, وزبەكستاننىڭ يسپانياداعى ەلشىسى فارۋح تۋرسۋنوۆ, «Airbus» كومپانياسىنىڭ ۆيتسە-پرەزيدەنتى حوسە لۋيس دە ميگەل, سىرتقى ىستەر, ەۋروپالىق وداق جانە ىنتىماقتاستىق مينيسترلىگىنىڭ, يسپانيانىڭ ىسكەرلىك ۇيىمدار كونفەدەراتسياسىنىڭ (Cەوە), عىلىمي توپتاردىڭ وكىلدەرى, سونداي-اق ستۋدەنتتەر قاتىستى.
قازاقستان ەلشىسى ءوز سوزىندە يسپانيا قازاقستاننىڭ ەو-داعى نەگىزگى ساۋدا-ەكونوميكالىق ارىپتەستەرىنىڭ ءبىرى بولىپ تابىلاتىنىن اتاپ ءوتىپ, ەلىمىزدەگى شەتەلدىك ينۆەستورلارعا ارنالعان پرەفەرەنتسيالار, الەۋمەتتىك-ەكونوميكالىق دامۋ, ىسكەرلىك احۋال, سونداي-اق رەسپۋبليكانىڭ ترانزيتتىك الەۋەتى تۋرالى ەگجەي-تەگجەيلى ايتىپ بەردى.
قازاقستاندىق ديپلومات مەملەكەتتىڭ ەكونوميكالىق جەتىستىكتەرىنە توقتالدى. اتاپ ايتقاندا, قاتىسۋشىلار 2023 جىلدىڭ قورىتىندىسى بويىنشا قازاقستاننىڭ ءجىو-ءنىڭ 5,1%-عا ءوسۋى تۋرالى, سونداي-اق قازاقستان ەكونوميكاسىنا قاتىستى قارجى ينستيتۋتتارىنىڭ بولجامدارى تۋرالى اقپاراتتى وڭ قابىلدادى.
سونىمەن قاتار قاتىسۋشىلارعا قازىرگى ساياسي جانە ەكونوميكالىق سىن-قاتەرلەردى تالقىلاۋ ءۇشىن ماڭىزدى الاڭعا اينالعان 2024 ج. 13-14 ماۋسىمدا جوسپارلانعان استانا حالىقارالىق فورۋمى تۋرالى اقپارات جەتكىزىلدى.
ءوز كەزەگىندە, م. پەنيا قازاقستاننىڭ ەكونوميكالىق دامۋىنىڭ نەگىزگى فاكتورلارىن ەگجەي-تەگجەيلى تالداپ, ەلىمىزدەگى رەفورمالارعا جوعارى باعا بەردى. ونىڭ ايتۋىنشا, قازىرگى تاڭدا قازاقستان – حالىقارالىق قاتىناستارداعى سەنىمدى سەرىكتەس, ورتالىق ازيانىڭ جەتەكشى ەكونوميكاسى بولىپ تابىلادى.
كونفەرەنتسيا سوڭىندا قاتىسۋشىلار اراسىندا تىكەلەي پىكىر الماسۋ ءوتتى.
