ورتالىق كوممۋنيكاتسيالار قىزمەتىندە قازاقستان رەسپۋبليكاسى دەنساۋلىق ساقتاۋ ءمينيسترى ساليدات قايىربەكوۆا, ءبىلىم جانە عىلىم مينيسترلىگىنىڭ جاستار ءىسى جونىندەگى كوميتەتىنىڭ ءتورايىمى روزا كارىپجانوۆا, وڭىرلىك دامۋ ءمينيسترى بولات جامىشەۆ, يندۋستريا جانە جاڭا تەحنولوگيالار ۆيتسە-ءمينيسترى البەرت راۋ, مادەنيەت مينيسترi ارىستانبەك مۇحامەديۇلى, سىرتقى ىستەر ءمينيسترىنىڭ ورىنباسارى الەكسەي ۆولكوۆ, قارجى ۆيتسە-ءمينيسترى ارداق تەڭگەباەۆتىڭ قاتىسۋىمەن ۇكىمەت وتىرىسىنىڭ قورىتىندىلارى بويىنشا بريفينگ ءوتتى.
ۇكىمەت وتىرىسىندا قارالعان الەۋمەتتىك-ەكونوميكالىق ماڭىزدى ءىس-شارالاردىڭ بارىسىمەن قازاقستان رەسپۋبليكاسى پرەمەر-ءمينيسترىنىڭ ورىنباسارى گۇلشارا ابدىقالىقوۆا تانىستىرىپ ءوتتى. ول تۋبەركۋلەز كەسەلىنە قارسى جاڭا جوسپار قابىلدانعانىن حابارلادى. 2020 جىلدارعا دەيىن جۇزەگە اسىرىلاتىن كەشەندى باعدارلاما بويىنشا تۋبەركۋلەزگە قارسى قىزمەت جاڭعىرتىلىپ, ناۋقاستارعا كورسەتىلەتىن امبۋلاتورلىق جاردەمنىڭ اياسى كەڭەيتىلەتىنىن جەتكىزدى.
دەنساۋلىق ساقتاۋ ءمينيسترى ساليدات قايىربەكوۆا مىندەتتى مەديتسينالىق ساقتاندىرۋدى ەنگىزۋ ماسەلەلەرىمەن بىرگە «سالاماتتى قازاقستان» مەملەكەتتىك باعدارلاماسىنىڭ 2011-2013 جىلدارداعى ءبىرىنشى كەزەڭىندە اتقارىلعان جۇمىس ناتيجەسىنە توقتالدى. سونىمەن قاتار, مينيسترلىك باسشىلارى جاستار ساياساتى, وڭىرلەردى دامىتۋ, ەنەرگيا تيىمدىلىگىن ارتتىرۋ, قارجى ماسەلەلەرى جونىندەگى بىرقاتار سۇراقتارعا جاۋاپ بەردى. ال قر سىرتقى ىستەر ءمينيسترىنىڭ ورىنباسارى الەكسەي ۆولكوۆ وڭتۇستىك كورەيا پرەزيدەنتى پاك كىن حەنىڭ ەلىمىزگە مەملەكەتتىك ساپارىنا دايىندىق بارىسىمەن تانىستىردى.
قر مادەنيەت ءمينيسترى ارىستانبەك مۇحامەديۇلى:
مەملەكەتتىك ءتىل: بىرلىكتىڭ فاكتورى
– «2011-2020 جىلدارعا ارنالعان مەملەكەتتىك ءتىلدى دامىتۋ» باعدارلاماسى ۇلت بىرلىگىن نىعايتۋدىڭ اسا ماڭىزدى فاكتورى بولىپ سانالادى. وسى مەملەكەتتىك باعدارلامانى ورىنداۋدىڭءۇش كەزەڭى بار. قازىر 39 ءىس-شارادان تۇراتىن 2011-2013 جىلدارعا ارنالعان ءبىرىنشى كەزەڭ اياقتالدى. قولدا بار دەرەكتەر بويىنشا قازاقستان حالقىنىڭ 62-63 پايىزى – قازاق تiلiن, 92 پايىزى – ورىس جانە 16,6 پايىزى اعىلشىن تiلiن مەڭگەرگەن. ەلباسىنىڭ دەنقويىپ وتىرعان ساياساتى – ەلiمiزدەءۇش تۇعىرلى تiلدi دامىتۋ.
قر دەنساۋلىق ساقتاۋ ءمينيسترى ساليدات قايىربەكوۆا:
70 جاس – جەتكەن مەجە
– قازاقستاندىقتاردىڭ ورتاشاءومىر ءسۇرۋ ۇزاقتىعى بۇگىندە 70,45 جاستى قۇرايدى. 2015 جىلعا قاراي ونى 71 جاسقا جەتكىزۋدى كوزدەپ وتىرمىز. بۇل ماسەلەگە نازار اۋدارعانىم, ويتكەنى, 70 جاستىق مەجەگە ءبىز 2015 جىلعا قاراي قول جەتكىزۋىمىز كەرەك ەدى. ياعني, ءبىز بۇل مەجەنى ءبىر جىل بۇرىن باعىندىرىپ وتىرمىز.
قر سىرتقى ىستەر ءمينيسترىنىڭ ورىنباسارى الەكسەي ۆولكوۆ:
قازاقستان-كورەيا: ۆيزاسىز قارىم–قاتىناس
– سىزدەردىڭ نازارلارىڭىزدى مىنا قۇجاتقا اۋدارتقىم كەلەدى. ولقازاقستان رەسپۋبليكاسى مەن كورەيا رەسپۋبليكاسى ۇكىمەتتەرى اراسىنداعى ءوزارا ۆيزا تالاپتارىن الماسۋ تۋرالى كەلىسىم بولماق. بۇل كەلىسىم قازاقستان مەن كورەيا ازاماتتارىنا ءبىر ايعا دەيىن ءبىر-بىرىنە ۆيزاسىز ساپارلاۋعا مۇمكىندىك بەرەدى. بۇل ءتۋريزمدى, مەديتسينانى, عىلىمي تەحنولوگيالاردى, ستۋدەنتتەر الماسۋ جانە باسقا دا جايتتاردى دامىتۋ قاجەتتىلىگىنەن تۋىنداپ وتىر.
