مۇگەدەكتەرگە – كولىك قىزمەتى
استانا قالاسى كولىك ماماندارىنىڭ بىلىكتىلىگى ورتالىعىندا قالالىق جولاۋشىلار كولىگىندە مۇگەدەك ادامدار مەن حالىقتىڭ تۇرمىسى تومەن توپتارىنا قىزمەت كورسەتۋدىڭ تۇساۋكەسەرى ءوتتى.
شاراعا قالاداعى اۆتوبۋس پاركتەرىنىڭ وكىلدەرى, قالا اكىمىنىڭ مۇگەدەكتەر ىستەرى جونىندەگى كەڭەسشىسى, «دوس تاۋەلسىز ءومىر ورتالىعى» قوعامدىق قورىنىڭ توراعاسى دينا ەردىلدىنوۆا قاتىستى.
تۇساۋكەسەردە ورتالىق قىزمەتكەرلەرى قاتىسۋشىلارعا قوعامدىق كولىكتەرگە مۇگەدەكتەر ادامدار مەن حالىقتىڭ قاۋقارى از ادامداردى مىنگىزىپ-تۇسىرگەن رەتتە قالاي دۇرىس قىزمەت كورسەتۋ كەرەكتىگىن, تاسىمالداۋدىڭ قاۋىپسىزدىگىنە كىمنىڭ جاۋاپتى بولاتىنىن, كوندۋكتور مەن جۇرگىزۋشىنىڭ قانداي مىندەتتەرى بار ەكەندىگىن مۇقيات ءتۇسىندىردى.
سوڭعى ۋاقىتتا باعىتتارعا تومەن ساتىلارمەن جابدىقتالعان, جاڭا, جايلى «IVEKO» اۆتوبۋستارى جىبەرىلگەن. قازىر اۆتوبۋس پاركىنىڭ كوندۋكتورلارى مەن جۇرگىزۋشىلەرى حالىققا كولىكتىك قىزمەت كورسەتۋ ورتالىعىندا وقىپ جاتىر. ولارعا كولىك ماماندارىنىڭ بىلىكتىلىگى ورتالىعىندا ارنايى جابدىقتالعان جادنامالار تاراتىلادى.
سونداي-اق, ارباداعى مۇگەدەكتى «IVEKO» اۆتوبۋسىنا مىنگىزىپ-ءتۇسىرۋ تاجىريبە جۇزىندە كورسەتىلدى.
ايدانا جاقسىلىققىزى