اۋلالار اباتتاندىرىلدى
استانادا وتكەن جىلى 131 اۋلا اباتتاندىرىلدى. ولاردىڭ ارقايسىسىندا قورشاۋلار جاڭارتىلىپ, اسفالت جابىندارى, بالالاردىڭ ويىن الاڭدارى جانە سپورت الاڭدارى قالپىنا كەلتىرىلدى. 2012 جىلى ەسىل اۋدانىندا 30 ورامىشىلىك اۋماعى, الماتى اۋدانىندا – 37, سارىارقا اۋدانىندا – 64 اۋلا اباتتاندىرىلعان.
ۇرلىقشىلار ۇستالدى
استانا قالالىق ءىىد تەرگەۋ باسقارماسى مەن «الماتى» اۋداندىق ءىىب-ءنىڭ پوليتسەيلەرى قالتا ۇرلىقتارىن جاساعانى ءۇشىن بۇعان دەيىن بىرنەشە رەت ءىستى بولعان 35 جاستاعى ەلوردا تۇرعىنىن ۇستادى. پوليتسياعا استانادا تۇراتىن ايەل حابارلاسىپ, بەلگىسىز ادام اۆتوبۋس ايالداماسىندا ونىڭ قالتاسىنان ءاميانىن, قۇجاتتارىن, جالپى سوماسى 258 مىڭ تەڭگەنى قۇرايتىن بانكومات كارتوچكالارىن ۇرلاپ كەتكەندىگىن ايتقان. قازىر تەرگەۋ امالدارى جۇرگىزىلۋدە.
قازاقستان-بەلارۋس IT-فورۋمى وتۋدە
استانادا وتكەن جىلى قاراشا ايىندا ۇيىمداستىرىلعان قازاقستان-بەلارۋس بيزنەس-فورۋمىنىڭ جالعاسى بولىپ تابىلاتىن قازاقستان-بەلارۋس IT-فورۋمى وتۋدە. فورۋم اياسىندا وزەكتى IT-باعىتتار, ونىڭ ىشىندە ەلەكتروندىق ۇكىمەت, ەلەكتروندىق ساۋدا, بيزنەس جانە مەملەكەتتىك قۇرىلىمدار ءۇشىن باعدارلامالىق قامتاماسىز ەتۋدى ازىرلەۋ, سونداي-اق, جوعارى تەحنولوگيالىق جابدىق ءوندىرىسى بويىنشا تاجىريبە الماسۋ كوزدەلگەن.
سانسويلەم
15 اقپانداعى مالىمەت بويىنشا, قوي ەتىنە باعا 2,3%, سيىر ەتىنە 2%, سونداي-اق, كوكونىسكە, كارتوپقا 4,2%, سابىزگە – 4,1% ارزانداعان. سونىمەن قاتار, كۇنباعىس مايى 4,4%, ىرىمشىك – 2,2%, قايماق – 1,6%, پاستەرلەنگەن سۇت– 1,2%-عا قىمباتتاعان. جارما ونىمدەرىنەن سۇلى (2,5%), ارپا (1,1%), ماننا (0,6%), قاراقۇمىق ( 0,3%), سونداي-اق, تارى (1,3%) باعاسى وسكەن.
كەشە
«الجير» مۇراجايىندا «الجير» ازابىن تارتقان انالار» اتتى كورمە اشىلدى.
بۇگىن
ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى «كاۋسار» مادەني-تانىمدىق بىرلەستىگىنىڭ ۇيىمداستىرۋىمەن شىعىس قازاقستان وبلىسىنىڭ «قالامقاس» بي ءانسامبلىنىڭ كونتسەرتى وتەدى.
ەرتەڭ
ق.قۋانىشباەۆ اتىنداعى مەملەكەتتىك اكادەميالىق قازاق مۋزىكالىق-دراما تەاترىندا س.تۇرعىنبەكۇلىنىڭ «مۇقاعالي» پوەتيكالىق دراماسى قويىلادى.
«ساۋلەت سالاسىنىڭ ساڭلاعى»
ەلورداداعى تاۋەلسىزدىك سارايىندا كسرو حالىق ساۋلەتشىسى, كسرو مەملەكەتتىك سىيلىعىنىڭ لاۋرەاتى, قازاقستاننىڭ ەڭبەك سىڭىرگەن ساۋلەتشىسى, «قۇرمەت» وردەنىنىڭ يەگەرى, حالىقارالىق ساۋلەت اكادەمياسىنىڭ اكادەميگى قالدىباي مونتاقاەۆتى ەسكە الۋعا ارنالعان «ساۋلەت سالاسىنىڭ ساڭلاعى» اتتى كورمە اشىلدى.
قازاقستان ساۋلەتىنىڭ تاريحىندا قالدىباي مونتاقاەۆتىڭ ورنى ايىرىقشا. الماتى جوعارى ساۋلەت مەكتەبىنىڭ تۇلەگى ەلىمىزدىڭ استاناسى ءۇشىن كوپتەگەن تۇرعىن ءۇي ازاماتتىق قۇرىلىس جوبالارىن ازىرلەپ, ءوزىنىڭ ساۋلەت ونەرىنە دەگەن تالانتىن ەرتە تانىتتى. اتاپ ايتقاندا: 1176 ورىندىق جالپى ءبىلىم بەرەتىن مەكتەپ, يادرولىق سۇيىقتىقتاعى 12 قاباتتى تۇرعىن ءۇي, الماتىداعى پرەزيدەنت رەزيدەنتسياسى (قازىرگى قر تۇڭعىش پرەزيدەنتىنىڭ مۇراعاتى), الماتى وبلىستىق پارتيا كوميتەتىنىڭ عيماراتى, تاعى باسقا دا نىساندار. قالدىباي جۇماعاليۇلى ەڭبەك جولىن «الماتىگيپروگور» مەكەمەسىندە ساۋلەتشىلىكتەن باستاپ ينستيتۋتتىڭ باس ساۋلەتشىسى لاۋازىمىنا دەيىن ءوستى. الماتىداعى رەسپۋبليكا الاڭىن جوبالاپ, سالۋ قالدىباي مونتاقاەۆ شىعارماشىلىعىنداعى ەڭ نەگىزگى كەزەڭ بولدى. قالدىباي جۇماعاليۇلى جاڭا استانانىڭ دا ساۋلەتتىك قالىپتاسۋىنا اتسالىستى. 1996 جىلى ونىڭ باسشىلىعىمەن ءبىر توپ ساۋلەتشىلەر استانانى دامىتۋدىڭ باس جوسپارىن ازىرلەۋ بايقاۋىندا جەڭىپ شىقتى. ول قر پرەزيدەنتىنىڭ رەزيدەنتسياسىنىڭ (قازىرگى قر تۇڭعىش پرەزيدەنتى مۇراجايى), قر ۇقك, سامال شاعىن اۋدانى, ۇكىمەت پەن پارلامەنت عيماراتتارىن قايتا جاڭعىرتۋ, سىرتقى ىستەر مينيسترلىگى, كونگرەسس-حولل, ەسىل وزەنى جاعالاۋىن جاڭارتۋدىڭ اۆتورى. كورمەگە ساۋلەتشىنىڭ ناگرادالارى, پلانشەتتەرى مەن گرافيكالىق جانە اكۆارەلدىك جۇمىستارى قويىلادى.
اپتا اڭداتپاسى
كەشە قر پرەزيدەنتى جانىنداعى ورتالىق كوممۋنيكاتسيالار قىزمەتىنىڭ كەزەكتى بريفينگى ءوتتى. ورتالىقتىڭ رەسمي وكىلى التاي ءابيبۋللاەۆ وسى اپتادا ەلباسى مەن ۇكىمەت باسشىلارىنىڭ قاتىسۋىمەن وتەتىن شارالارمەن تانىستىردى.
سونىمەن, اپتانىڭ ساياسي اڭداتپاسى كەلەسىدەي: 7 ناۋرىزدا مەملەكەت باسشىسى ن.نازارباەۆتىڭ قازاقستاننىڭ ايەلدەر قاۋىمى وكىلدەرىمەن جىل سايىنعى ءداستۇرلى كەزدەسۋى وتەدى. اتالمىش شارا حالىقارالىق ايەلدەر كۇنى قارساڭىندا ۇيىمداستىرىلىپ وتىر. سونداي-اق, 5 ناۋرىزدا قر پرەمەر-ءمينيسترى سەرىك احمەتوۆتىڭ توراعالىعىمەن ۇكىمەت وتىرىسى وتەدى. سونداي-اق, ۇكىمەت باسشىسى 9 ناۋرىز كۇنى ەل پرەزيدەنتىنىڭ بىرقاتار تاپسىرمالارىن ورىنداۋ جانە ىسكە اسىرۋ ماسەلەلەرى بويىنشا ءماجىلىس ءوتكىزەدى. پرەمەر-ءمينيستردىڭ جەتەكشىلىگىمەن ەكونوميكانى جەتىلدىرۋ جونىندەگى مەملەكەتتىك كوميسسيانىڭ وتىرىسىن جانە ەلىمىزدىڭ الەۋمەتتىك-ەكونوميكالىق دامۋى ماسەلەلەرى بويىنشا بىرقاتار جيىندار وتكىزۋ جوس-پارلانىپ وتىر. 6 ناۋرىزدا قر پرەمەر-ءمينيسترىنىڭ ءبىرىنشى ورىنباسارى – وڭىرلىك دامۋ ءمينيسترى باقىتجان ساعىنتاەۆ الماتى وبلىسىنا, ال 6-7 ناۋرىز كۇندەرى قر پرەمەر-ءمينيسترىنىڭ ورىنباسارى – يندۋستريا جانە جاڭا تەحنولوگيالار ءمينيسترى اسەت يسەكەشوۆ باسقارعان قازاقستاندىق دەلەگاتسيا فرانتسياعا جۇمىس ساپارىمەن بارادى.
بانككە كەلمەي-اق, شوتىڭدى اش!
قازاقستاندا تۇڭعىش رەت كاسىپكەرلەر بانككە كەلمەي-اق, ەسەپشوت اشا الاتىن بولدى. كليەنتتەرگە قولايلى قىزمەت ءتۇرىنىڭ باستاماشىسى – «الفا-بانك» اق ەب. بۇعان قوسا, وسى قىزمەت اياسىندا, 2013 جىلدىڭ 30 ساۋىرىنە دەيىن جەكە كاسىپكەرلەر مەن كومپانيالارعا ارنالعان شوتتى اشۋ تەگىن بولادى.
«الفا-كۋرەردىڭ» كليەنتتەر ءۇشىن قولايلى جاعداي تۋعىزۋعا باعىتتالعان جاڭا قىزمەتى تەگىن بولىپ تابىلادى. كليەنتتەرگە ناقتى قىزمەت ءتۇرى الماتى جانە استانا قالالارىندا كورسەتىلەدى دە, بىرتىندەپ قازاقستاننىڭ باسقا قالالارىندا دا ەنگىزىلە بەرەدى. «الفا-كۋرەر» قازىردىڭ وزىندە كوپتەگەن بيزنەسمەندەردىڭ قىزىعۋشىلىعىن وياتىپ, تانىمال بولا باستادى.
ەندى ەسەپشوت اشۋ ءۇشىن بانك بولىمشەسىنە بارۋدىڭ قاجەتى جوق. بانك سايتىنداعى ءوتىنىمدى تولتىرىپ, بايلانىسۋ دەرەكتەرىن كورسەتۋدىڭ ءوزى جەتكىلىكتى, ءبىر جۇمىس كۇنىنىڭ ىشىندە بانك مەنەدجەرى كليەنتكە حابارلاسىپ, وعان قولايلى ۋاقىتتا كەلە سالادى.
سونداي-اق, مەنەدجەر قاجەتتى اقىل-كەڭەس بەرىپ, مەيلىنشە پايدالى ءتاريفتى تاڭداۋعا جانە ەسەپشوت اشۋعا قاجەتتى قۇجاتتار لەگىن جيناۋعا قاتىستى ۇسىنىستارىن ايتادى.
– ءبىز شاعىن جانە ورتا بيزنەستىڭ تالاپ-تىلەگىن ءتۇسىنەمىز, جاقسى بىلەمىز. ۋاقىتتى ۇنەمدەۋدى جانە قولايلى جاعداي تۋعىزۋدى ءبىز كاسىپكەرلەرگە ارنالعان جاڭا قىزمەت ءتۇرلەرىن جاساقتاۋ بارىسىندا ءاردايىم ەستە ۇستايتىن ماڭىزدى فاكتورلار سانايمىز, – دەپ اتاپ كورسەتتى بانكتىڭ باسقارۋشى ديرەكتورى ەۆگەني اندريەنكو, – «الفا-كۋرەردىڭ» جاڭا قىزمەتىنىڭ ارقاسىندا بيزنەسمەن ەسەپ ايىرىسۋ شوتىن اشۋعا مەيلىنشە از ۋاقىت پەن كۇش-ءجىگەر جۇمساپ, بارلىق ماسەلە بويىنشا قوسىمشا كەڭەس الا الادى. ءبىزدىڭ شاعىن جانە ورتا بيزنەسكە ارنالعان باسقا ونىمدەرىمىز دە ۋاقىت ۇنەمدەپ, قولايلى جاعداي تۋعىزۋعا باعىتتالىپ وتىر. ماسەلەن, سولاردىڭ قاتارىندا «ينتەرنەت-بانك» سياقتى اراقاشىقتىقتان قىزمەت كورسەتۋدى, «الفا-موبايل» سياقتى ءموبيلدى بانكتى, شوت جونىندە SMS ارقىلى حابارلايتىن «الفا-چەكتى», كورپوراتيۆتىك شىعىندارعا ارنالعان «Business» تولەم كارتاسىن جانە تاعى باسقا قىزمەت تۇرلەرىن ايتۋعا بولادى.
«الفا-بانك» اق-نىڭ ەب 1994 جىلى قازاقستاندا قۇرىلىپ, حالىقارالىق «الفا-بانك» بانكتەر توبىنا ەندى. بانكتىڭ بىردەن-ءبىر قۇرىلتايشىسى رەسەيلىك «الفا-بانك» ااق بولىپ سانالادى. قازاقستاندا بانكتىڭ وڭىرلىك جەلىسى الماتى, استانا, اقتاۋ, اتىراۋ, وسكەمەن, پاۆلودار, قاراعاندى, ورال جانە پەتروپاۆل قالالارىندا بار.
ەركەجان ساتىمبەك
