استاناداعى №2 كوپبەيىندى وبلىستىق اۋرۋحانا ۇجىمى ناۋرىز مەيرامىن ەرەكشە اتاپ ءوتتى.
جوعارى ساناتتى دارىگەر, قر دەنساۋلىق ساقتاۋ ۇزدىگى يزات بيۋرابەكوۆ باسقاراتىن اۋرۋحانا ۇجىمى جىلداعى ءداستۇر بويىنشا اۋرۋحانانىڭ سوماتيكا بولىمشەسىندە مەرەكەلىك ءىس-شارا ۇيىمداستىردى. بولىمشە مەڭگەرۋشىسى اقمارال قاناتباەۆا جينالعانداردى حالقىمىزدىڭ مادەنيەتى مەن ىزگى داستۇرلەرىنىڭ ۇلىلىعىن ايشىقتايتىن ناۋرىز مەيرامىمەن قۇتتىقتادى.
سالتاناتتى شارا بارىسىندا ەمدەلۋشى الماگۇل ەلۋباەۆا مەكەمە ديرەكتورى يزات داۋلەتجانۇلىنا, بولىمشە مەڭگەرۋشىسى اقمارال ساعىنتايقىزىنا, دارىگەر راۋشان حاميتقىزىنا, اعا مەيىرگەر روزا بالتاشقىزىنا, مەيىرگەر گۇلنار ورازباەۆاعا كاسىبي بىلىگى مەن كەز كەلگەن ەمدەلۋشىگە كورسەتكەن ۇقىپتى قارىم-قاتىناسى ءۇشىن شىن كوڭىلدەن ريزاشىلىعىن جەتكىزدى. اپانىڭ اق باتاسى مەرەكەلىك ءىس-شارانىڭ شىرايىن كەلتىردى.
جارقىن مەرەكە كۇنى قىزمەتكەرلەر عانا ەمەس, ەمدەلۋشىلەر دە ۇلتتىق ناقىشتاعى كيىمىن كيىپ, ۇلتتىق داستۇرلەرىمىزدى ۇلىقتادى. «ۇلىس كۇنى قازان تولسا, سول جىلى اق مول بولار» دەپ ىرىمداپ, بولىمشە ماماندارى ەمدەلۋشىلەرگە ناۋرىز كوجە مەن باۋىرساق تاراتتى.
