شىمكەنت قالاسىندا وتكەن جالپى ءبىلىم بەرەتىن پاندەر بويىنشا وقۋشىلاردىڭ رەسپۋبليكالىق وليمپياداسىنىڭ قورىتىندى كەزەڭىندە استانالىقتار 50 مەدال ولجالادى.
استانا قالاسىنان جاراتىلىستانۋ-ماتەماتيكا باعىتى بويىنشا (9-11 (12) سىنىپتار) 70 وقۋشى باق سىنادى.
ەلوردالىق جاس زياتكەرلەر 50 جۇلدەلى ورىنعا يە بولىپ, ءبىلىم دەڭگەيلەرىنىڭ جوعارى ەكەنىن كەزەكتى رەت دالەلدەدى. اتاپ ايتقاندا, استانا قالاسىنىڭ قورجىنىندا 7 التىن, 18 كۇمىس جانە 25 قولا مەدال بار.
ەلوردالىق وقۋشىلاردىڭ وليمپياداداعى جاقسى كورسەتكىشتەرى جىل سايىن كوبەيىپ كەلەدى. بيىلعى جىلى تالانتتى وقۋشىلاردىڭ وليمپيادادا قول جەتكىزگەن جۇلدەلەرىنىڭ كورسەتكىشى 72 پايىزدى قۇرادى. ال وتكەن 2021-2022 وقۋ جىلىندا بۇل كورسەتكىش 50 پايىز بولاتىن.
