«ەكسپو-2017» حالىقارالىق كورمەسى تاياپ قالدى. سونىڭ قارساڭىندا استانادا 10 مەن 31 مامىر ارالىعىندا «قۇقىقتىق ءتارتىپ» جەدەل-الدىن الۋ شاراسى وتۋدە. بۇگىنگە دەيىن شارا اياسىندا قۇقىق قورعاۋ ماماندارى كوشى-قون زاڭناماسىن بۇزعان 2 363 شەتەلدىكتى انىقتاپ, 1130 ازاماتتى اكىمشىلىك جاۋاپكەرشىلىككە تارتىپ, 198 ادامدى ەلدەن شىعارىپ ۇلگەردى.
تارتىپتىك شارا شەڭبەرىندە باس قالانىڭ قۇقىقتىق قاۋىپسىزدىگى تولىقتاي باقىلاۋعا الىنعان. ەلوردا اكىمدىگىندە ارنايى شتاب جۇمىس ىستەيدى. وعان ءتيىستى مەكەمەلەردەن جاۋاپتى تۇلعالار تارتىلعان.
– ون كۇن ىشىندە ءبىراز جۇمىستار اتقارىلدى. قىلمىس جاساپ ىزدەۋدە جۇرگەن 28 ادام ۇستالدى. ونىڭ 6-ى حالىقارالىق ىزدەۋدە بولعان. سونىمەن بىرگە باس قالادا تىركەۋدە تۇرعان 1079 قارۋ يەلەرىن قايتا تەكسەرۋدەن وتكىزىپ, زاڭسىز ساقتالعان 32 قارۋدى انىقتادىق. 17 كگ ەسىرتكى تاركىلەندى. ون كۇن ىشىندە 421 قىلمىس اشىلدى. سونداي-اق, تۇرعىلىقتى مەكەن-جايى جوق 329 ادام قالاداعى بەيىمدەۋ ورتالىعىنا جىبەرىلدى. تىركەلمەگەن ءدىني ۇيىمداردىڭ كىتاپتارىنا بايلانىستى 4 فاكتى تىركەلدى. قىسقاسى, شارا ءالى جالعاسۋدا, – دەدى استانا قالالىق ءىىد جەرگىلىكتى پوليتسيا قىزمەتى باستىعىنىڭ ورىنباسارى گوسمان جاكين.
سونداي-اق, شارا بارىسىندا قۇقىق قورعاۋ قىزمەتكەرلەرى جەزوكشەلىكپەن اينالىساتىن 200 ازاماتشانى انىقتاعان. سولاردىڭ ىشىندە قالادا تۇرعىلىقتى تىركەۋى جوق قىزداردى ۇيلەرىنە قايتارعان. جيىندى قۇقىق قورعاۋ ورگاندارىنىڭ جاۋاپتى ماماندارى ەلوردا تۇرعىندارى مەن قوناقتارىن قۇقىقتىق ءتارتىپتى قامتاماسىز ەتۋ بويىنشا جۇرگىزىلىپ جاتقان ءىس-شارالارعا تۇسىنىستىكپەن قاراۋدى جەتكىزدى.
