ناۋرىز مەيرامىنا وراي قازاقستان رەسپۋبليكاسىنىڭ پاريجدەگى (فرانتسيا) يۋنەسكو جانىنداعى تۇراقتى وكىلدىگىنىڭ شاقىرۋىمەن روزا باعلانوۆا اتىنداعى «قازاقكونتسەرت» مەملەكەتتىك اكادەميالىق كونتسەرتتىك ۇيىم ارتىستەرى پاريجدە ونەر كورسەتتى, دەپ حابارلايدى astana-akshamy.kz.
ەلىمىزدىڭ مادەنيەتىن «حالىق قازىناسى» ۇلتتىق ونەر ورتالىعىنىڭ ءسوليسى, مادەنيەت سالاسىنىڭ ۇزدىگى پەريزات تۇراروۆا جانە «استانا سازى» قازاق مەملەكەتتىك فولكلورلىق ءانسامبلىنىڭ ءارتىسى, جەتىگەنشى ايگەرىم ەلەمەس تانىستىردى. 
19 ناۋرىزدا يۋنەسكو شتاب-پاتەرىندە اۋعانستان, ءازىربايجان, يراك, يران, قازاقستان, قىرعىزستان, وزبەكستان, پاكىستان, تاجىكستان, تۇركيا, تۇرىكمەنستان جانە ءۇندىستان سياقتى 12 ەل وكىلدەرىنىڭ قاتىسۋىمەن ناۋرىز مەيرامى ءوتتى. مەرەكەلىك ءىس-شارادا ايگەرىم ەلەمەس پەن پەريزات تۇراروۆا م.ەرجانوۆتىڭ «سايرا, بۇلبۇل», ن.تىلەنديەۆتىڭ «اققۋ» جانە ابايدىڭ «جەلسىز تۇندە جارىق اي» شىعارمالارىن ورىندادى.
ءىس-شاراعا حالىقارالىق تۇركى مادەنيەتى مەن مۇراسى قورىنىڭ پرەزيدەنتى, يۋنەسكو جانىنداعى تۇركى تىلدەس ەلدەردىڭ تۇراقتى وكىلدەرى, يۋنەسكو جانە يسەسكو ىستەرى جونىندەگى ۇلتتىق كوميسسيالاردىڭ باس ح
