استانادا پرەمەر-ءمينيستردىڭ ورىنباسارى – ۇلتتىق ەكونوميكا ءمينيسترى نۇرلان بايبازاروۆ ەۋروپالىق قايتا قۇرۋ جانە دامۋ بانكىنىڭ وكىلدەرىمەن كەزدەسۋ وتكىزدى, دەپ حابارلايدى astana-akshamy.kz.
كەزدەسۋگە ەقدب ورتالىق ازيا بويىنشا باسقارۋشى ديرەكتورى جۋجاننا حارگيتاي جانە ەقدب قازاقستان بويىنشا باسشىسى حۋسەين وزحان قاتىستى.
تاراپتار 2023 جىلعى بىرلەسكەن جۇمىستىڭ قورىتىندىسىن شىعارىپ, 2024 جىلعا ارنالعان باسىمدىقتاردى ايقىندادى.
ءوز سوزىندە ن. بايبازاروۆ قازىرگى ۋاقىتتا قازاقستان مەن ەقدب اراسىندا ەكونوميكالىق ماسەلەلەردىڭ كەڭ اۋقىمىن قامتيتىن ءوزارا تىعىز بايلانىس ورناتىلعانىن ايتتى.
كەزدەسۋدە قازاقستان ۇكىمەتىنىڭ ەقدب-مەن ينفراقۇرىلىمدىق جوبالاردى ىسكە اسىرۋ بويىنشا, سونداي-اق «جاسىل» ەنەرگەتيكا, كولىك جانە لوگيستيكا, جاڭارتىلاتىن ەنەرگيا كوزدەرى مەن جەكە بيزنەستى دامىتۋ سالالارىندا ناتيجەلى جۇمىسقا دايىندىعى اتاپ ءوتىلدى.
