قازاقستاننىڭ بارلىق اۋماعىندا تەررورلىق قاۋىپتىڭ «سارى» دەڭگەيى جاريالاندى

قالىپتاسقان جاعدايدى ەسكەرە وتىرىپ, رەسپۋبليكالىق تەرروريزمگە قارسى كۇرەس وپەراتيۆتىك شتابىنىڭ جەتەكشىسى – قر ۇقك توراعاسى گەنەرال-لەيتەنانت ۆ.ز.جۇماقانوۆ قر پرەزيدەنتىنىڭ 2013 جىلعى 9 تا­مىزداعى № 611 قاۋلىسىمەن بەكىتىلگەن حالىققا تەررورلىق اكتىلەردىڭ قاۋىپىن ەسكەرتۋ جانە اقپاراتتاندىرۋ ەرە­جەسىنىڭ 4 تارماعىنا سايكەس, الماتى, اقمولا, اقتوبە, اتىراۋ, شقو, بقو, سقو, وقو, قاراعاندى, قىزىلوردا, قوس­تاناي, ماڭعىستاۋ, پاۆ­لودار وبلىستارىندا جانە الماتى مەن استانا قالالارىندا 40 تاۋلىككە دەيىن تەر­رورلىق قاۋىپتىڭ بىرقالىپتى «سارى» دەڭگەيىن جاريالادى.
وسىعان بايلانىستى حالىقتى جۇرگىزىلىپ جاتقان مەملەكەتتىك ورگانداردىڭ جۇمىسىنا تۇسىنىستىكپەن قاراۋعا شا­قىرادى. يەسىز قالعان زاتتارعا (سومكە, قوراپتار, ورامالار, قاپتار, چەموداندار جانە ت.ب..) نازار اۋدارۋعا, اسىرەسە, سىم جالعانعان تەحنيكالىق قۇرىلعىلارعا كوڭىل ءبولىپ, كولىكتە, قوعامدىق ورىنداردا كۇدىكتى ادامدارعا نازار اۋدارۋعا شاقىرادى. كۇدىكتى زاتتارعا جاقىنداماي, بەيتانىس ادامداردان سالەم-ساۋقات الىپ, ونى ساقتاۋعا الماۋعا كەڭەس بەرەدى. قۇقىق قورعاۋ ورگاندارى قىزمەتكەرلەرىنىڭ ءىس-قيمىلدارىنا, قۇجات تەكسەرۋلەرىنە تۇسىنىستىكپەن قاراپ, مەيىلىنشە كومەك كورسەتۋگە شاقىرادى.
ابىگەرلىككە جول بەرمەي تەك رەسمي مەملەكەتتىك ورگانداردىڭ مالىمەتتەرىن باسشىلىققا الۋ كەرەك.