كەشە استانا قالاسىنىڭ اكىمى جانىنداعى قازاقستان رەسپۋبليكاسى مەملەكەتتىك رامىزدەرى بويىنشا كوميسسيانىڭ كەزەكتى وتىرىسى ءوتتى. وندا قالا اۋماعىندا ورنالاسقان مەكەمەلەردەگى مەملەكەتتىك رامىزدەردىڭ رەگلامەنتكە ساي ورناتۋ, تالابىنىڭ ساقتالۋىنا بايلانىستى اۋدان اكىمدەرى ورىنباسارلارىنىڭ ەسەپتەرى تىڭدالدى.
جىل باسىنان بەرى 201 مەكەمە مەن ۇيىمدار تەكسەرىلىپ, ونىڭ 153-ىندە ءرامىزدەردى قولدانۋدا قاتەلىكتەر جىبەرىلگەنى انىقتالدى. ياعني, ۇلتتىق ستاندارتقا ساي كەلمەيدى, تۋ توزىپ جىرتىلعان نەمەسە ارنايى ستەندتەردە رامىزدەردىڭ زاڭدا كورسەتىلگەن تارتىپكە ساي ورنالاسۋىنا ءمان بەرىلمەگەن. عيماراتتارعا ىلىنگەن رامىزدەرگە ارنايى جارىقتىڭ ءتۇسىرىلمەۋى, اسىرەسە, تۇنگى ۋاقىتتا كوزگە قوراش بولىپ تۇرۋى دا تالاپقا قايشى. وسى ورايدا قالالىق ىشكى ساياسات باسقارماسى ءتۇرلى مەكەمەلەر مەن ۇيىمداردىڭ وكىلدەرىنە سەمينار وتكىزىپ, ءتۇسىندىرۋ جۇمىستارىن جۇرگىزگەن.
مەملەكەتتىك رامىزدەردىڭ رەگلامەنتكە ساي ورناتىلۋى جايىندا كەڭەس ءتورايىمى ايدا بالاەۆا ەسكەرتۋلەر جاسادى. «حالىقتىڭ كوزى قىراعى, كوپ جاعدايدا قالا تۇرعىندارىنىڭ نەمقۇرايلى قارامايتىنى قۋانتادى. تۋدىڭ جىرتىلىپ نەمەسە بوران جۇلىپ اكەتكەنىن كوبىنە قاراپايىم قالا تۇرعىندارى بايقاپ جاتادى. بۇل سول سەبەپتى دە حالىقپەن ءناتيجەلى جۇمىس ىستەۋدى جالعاستىرىپ, تالاپتىڭ ساقتالۋىنا مۇددەلى بولۋىمىز كەرەك» دەدى ول جيىندى قورىتىندىلاي وتىرىپ.
ايگۇل ۋايسوۆا
