قر ۇلتتىق اكادەميالىق كىتاپحاناسىندا II «شاكارىم وقۋلارى» رەسپۋبليكالىق بايقاۋىنىڭ قورىتىندىسى ءوتتى, دەپ حابارلايدى astana-akshamy.kz.
ادەبي بايقاۋعا 2000-نان استام وقۋشى قاتىسقان. بايقاۋعا قاتىسۋشىلار – 5-8 سىنىپ وقيتىن, قازاقستاننىڭ بارلىق ايماعىنان كەلگەن كىتاپحانانىڭ جاس وقىرماندارى.
فينالعا 17 وبلىستان جانە استانا مەن الماتىدان كەلگەن 18 قاتىسۋشى ءوتتى. جارىس ەكى كەزەڭنەن تۇردى. ءبىرىنشىسى وبلىس ارالىق بايقاۋ, كەيىن ءار وبلىستىڭ ۇزدىگى اتانعاندار اقىننىڭ ولەڭدەرىن جاتقا وقىپ فينالدا باق سىنادى.سونىمەن قاتار شاكارىم قۇدايبەرديەۆتىڭ ءومىرى مەن شىعارماشىلىعىنا قاتىستى سۇراق-جاۋاپقا قاتىستى.
بايقاۋ قورىتىندىسى بويىنشا, باس جۇلدەنى استانالىق 5 سىنىپ وقۋشىسى ەدىگە كيلىمبەكۇلى جەڭىپ الدى, 1 ورىندى تاراز قالاسىنىڭ 7 سىنىپ وقۋشىسى ءاديا ادىلاحمەت, 2 ورىندى باتىس قازاقستان وبلىسىنان كەلگەن, 8 سىنىپ وقۋشىسى كاۋسار يسليامقىزى, 3 ورىندى اباي وبلىسىنان 5 سىنىپ وقۋشىسى ايارۋ الىبەك يەلەندى.
جەڭىمپازدارعا جانە وزگە قاتىسۋشىلارعا دەمەۋشىلەر ەسەبىنەن باعالى سىيلىقتار بەرىلسە, جەتەكشىلەرى ارنايى العىس حاتتارمەن ماراپاتتالدى.
بايقاۋ بالالار مەن جاسوسپىرىمدەر اراسىندا شاكارىم قۇدايبەردىۇلىنىڭ مول مۇراسىمەن تانىسىپ, شىعارمالارىن ناسيحاتتاپ, ونىڭ تەرەڭ فيلوسوفيالىق ەڭبەكتەرىن تۇيسىنۋگە باعىتتالعان.
