نۇر-سۇلتان قالاسى مادەنيەت باسقارماسىنا قالانىڭ التى تەاترى قارايدى. بيىلعى جارتى جىلدا اتالمىش ونەر وشاقتارى كورەرمەندەرگە 485 قويىلىم ۇسىنىپ, 108 ءىس-شارا مەن 8 پرەمەرا وتكىزدى. ولاردى بارلىعى 113411 كورەرمەن تاماشالادى.
Cونىڭ ىشىندە وتكەن جەكسەنبى كۇنى سوڭى بولىپ مۋزىكالىق جاس كورەرمەن تەاترى «اباي-توعجان» مۋزىكالىق دراماسىمەن ءىى ماۋسىمىن جاپتى. جالپى اتالمىش تەاتر ماۋسىم سوڭىنا قاراي كورەرمەندەرگە ءۇش بىردەي پرەمەرا ۇسىندى. بۇل – «ماحاببات بار ما؟» ليريكالىق كومەدياسى, «ۇنسىزدىك» پەرفومانسى جانە «Go Do» كومەديالىق ابسۋردى.
جاڭا ماۋسىمدا وسى جىلدىڭ اياعىنا دەيىن بۇل تەاتر كلاسسيك قالامگەرىمىز جۇسىپبەك ايماۋىتوۆتىڭ «سىلاڭ قاققان» كومەدياسى مەن «قىز جىبەك» ەتنو-فولكلورلىق ميۋزيكلىنىڭ پرەمەراسىن وتكىزبەك.
«ناز» مەملەكەتتىك بي تەاترى XXIII ماۋسىمدى «ەل جۇرەگى – ەلوردا» كونتسەرتتىك باعدارلاماسىمەن تۇيىندەدى. بۇل ەلوردا تۇرعىندارىنا تەاتردىڭ ەسەپ بەرۋ كونتسەرتى ىسپەتتەس بولدى. ال «جاستار» تەاترى XV تەاتر ماۋسىمىن ع. مۇسىرەپوۆتىڭ «جىبەك» ميۋزيكلىمەن جاپتى.
ءا. مامبەتوۆ اتىنداعى مەملەكەتتىك دراما جانە كومەديا تەاترى ماۋسىم سوڭىندا كورەرمەندەرگە «كەلىندەر كوتەرىلىسى» كومەدياسىن ۇسىندى. بۇل وزبەكستاننىڭ كورنەكتى جازۋشى-دراماتۋرگى سايد احمادتىڭ پەساسى جەلىسىمەن ساحنالاندى. ءبىر ايتا كەتەرلىگى, اتالعان سپەكتاكل ۇزاق جىلدار بويى قازاق ساحناسى تورىنەن تۇسپەي كەلە جاتىر. قويىلىم ەلىمىزدىڭ جەتەكشى تەاترلارىندا ءجۇرىپ جاتىر. وسى پەسانى قازاق تىلىنە اسا كورنەكتى جازۋشى اسقار سۇلەيمەنوۆ اۋداردى. ال ءا. مامبەتوۆ تەاترىندا جاس رەجيسسەر ۇلانمىرزا قارىپباەۆتىڭ ساحنالاۋىمەن كورەرمەندەرگە جول تارتتى.
قىركۇيەك ايىندا ساحنا ساڭلاعى, قازاق تەاترىنىڭ رەفورماتورى, كسرو جانە قازاقستاننىڭ حالىق ءارتىسى, كسرو مەملەكەتتىك سىيلىعىنىڭ يەگەرى, حالىق قاھارمانى ءازىربايجان مامبەتوۆتىڭ تۋعانىنا 90 جىل تولادى. وسىعان وراي ونىڭ اتىنداعى تەاتردىڭ جاڭا ماۋسىمىندا كورەرمەندەرگە دايىنداپ جاتقان شىعارماشىلىق تارتۋى از بولماۋى كەرەك دەپ ويلايمىز.
نۇر-سۇلتان قالاسىنىڭ قۋىرشاق تەاترى جىل بويى ىستەي بەرەدى. بيىلعى «بالالار جىلىندا» اتالمىش ونەر وشاعى جۇمىسىنىڭ ماڭىزى ودان سايىن ارتتى. وتكەن جۇما, سەنبى, جەكسەنبى كۇندەرى وسى تەاتر جاپون حالىق ەرتەگىسى جەلىسىمەن «جاڭعىرىق تۋرالى ەرتەگى» حيكاياسىن ۇسىندى. الدا دا تەاتر رەپەرتۋارىنداعى بالالارعا بازارلىق بولاتىن قويىلىمدار كورسەتىلەدى.
م. گوركي اتىنداعى مەملەكەتتىك اكادەميالىق ورىس دراما تەاترى 121-تەاتر ماۋسىمىن تابىستى اياقتادى. وسى ماۋسىمدا «جارقىن ويلار» جانە «گوگول.پەتەربۋرگ» سپەكتاكلدەرى ەلوردادا وتكەن ءى «Teatr ALL» فەستيۆالىندە «جاڭا ەسىمدەر», «ۇزدىك اكتەرلىك انسامبل», «ۇزدىك ەر ادام ءرولى», «ەرەكشە كوزقاراس» اتالىمدارىندا توپ جاردى. ماسكەۋدەگى «التىن ۆيتياز» اتتى ءحىح حالىقارالىق فەستيۆالىندە «جارقىن ويلار» سپەكتاكلى «ۇزدىك اكتەرلىك انسامبل» اتالىمى بويىنشا ماراپاتتالدى. تەاتر اكتريساسى مەن رەجيسسەرى ليۋدميلا كريۋچكوۆا قازاقستاننىڭ ەڭبەك سىڭىرگەن قايراتكەرى اتاعىن يەلەندى. اكتريسا ەكاتەرينا ماكسيم ءىى دارەجەلى «دوستىق» وردەنىمەن, ارتىستەر ناتاليا كوسەنكو, دەنيس اننيكوۆ, بولات كىرىباەۆ «قازاقستان رەسپۋبليكاسى تاۋەلسىزدىگىنە 30 جىل» مەرەيتويلىق مەدالىمەن ماراپاتتالدى. «قازاقستان تەاترلارى-2021» مونيتورينگى قورىتىندىسىندا «گوگول.
پەتەربۋرگ» سپەكتاكلى جىلدىڭ ۇزدىك سپەكتاكلى اتاندى. ال اكتريسا سۆەتلانا فورتۋنا «ۇزدىك ايەل بەينەسى» اتالىمىندا قازاقستان تەاتر قايراتكەرلەرى وداعىنىڭ «ەڭلىكگۇل-2022» تەاتر سىيلىعىن الدى. تەاتردىڭ كوركەمدىك جەتەكشىسى – باس رەجيسسەرى, قازاقستاننىڭ ەڭبەك سىڭىرگەن ءارتىسى بەكبولات پارمانوۆ تۇركسوي ۇيىمى تاعايىنداعان «شىڭعىس ايتماتوۆقا 90 جىل» مەدالىمەن ماراپاتتالدى. ال ورىس تەاترىنىڭ 121-ماۋسىمى «جۇزىمدىك كولەڭكەسىندە» سپەكتاكلىنىڭ پرەمەراسىمەن جابىلدى.
