ەلوردادا U23 جانە U19 اتلەتتەرى اراسىنداعى ازيا چەمپيوناتىنىڭ جەڭىمپازدارى مەن جۇلدەگەرلەرى انىقتالدى
قۇرلىق بىرىنشىلىگىندە قىتاي, جاپونيا, وڭتۇستىك كورەيا, ءۇندىستان, گونكونگ, موڭعوليا, قىرعىزستان, وزبەكستان, قازاقستان جانە باسقا ەلدەردىڭ ۇزدىك اتلەتتەرى باق سىنادى. ۆەلوسيپەدپەن, جۇزۋدەن جانە جۇگىرۋدەن باسەكەگە تۇسەتىن ترياتلون جارىسى ەڭ اۋىر سپورتتاردىڭ قاتارىنا جاتادى. سوندىقتان دا الەم بويىنشا ترياتلونعا قىزىعۋشىلىق ارتىپ وتىر.
ازيا بىرىنشىلىگىندە قازاقستاننىڭ نامىسىن 15 سپورتشى قورعادى. سولاردىڭ ىشىنەن ەكى سپورتشىمىز عانا جۇلدەگەرلەر قاتارىنان كورىندى. اتاپ ايتقاندا, U23 ساناتىنداعى سايىستا دارىن قونىسباەۆ ازيا چەمپيوناتىنىڭ كۇمىس جۇلدەگەرى اتاندى. ول ءۇش سايىستى 1 ساعات 51 مينۋت 14 سەكۋندتا اياقتادى. ال قولا جۇلدە قىتايلىق تسين چەنگە بۇيىردى.
ايەلدەر اراسىنداعى جارىستا جاپونيالىق يزۋمي يكەگۋچي توپ جاردى. ال ەكىنشى جانە ءۇشىنشى ورىندى قىتايلىق قوس قىز ءبولىستى. ۆەن ۆەي كۇمىسپەن كۇپتەلسە, سين لين قولا مەدالدى قاناعات تۇتتى.
ال U19 جارىستارىندا جاپونيالىق سپورتشى قىزدار ماكو زيرازۋمي مەن مانامي حياشي تيىسىنشە ءبىرىنشى جانە ەكىنشى ورىندى بولىسسە, گونكونگ وكىلى شارلوتتا حولل قولا جۇلدەگە قول سوزدى. جاس جىگىتتەر اراسىندا وتكەن سايىستا دا جاپونيالىق امۋ ومۋرو التىن السا, تاكۋتو وسيما كۇمىس مەدال يەلەندى. ال قازاقستاندىق ەگور كرۋپنياكوۆ قولا جۇلدەنى قانجىعاسىنا بايلادى.
وسىلايشا قازاقستان قۇراماسىنىڭ قورجىنىنا قوس جۇلدە ءتۇستى.
