جاڭالىقتارقالا تىرشىلىگى
ءتول مادەنيەتتىڭ باستاڭعىسى
استانا قالاسىنداعى ستۋدەنتتىك ساياباقتا ەلوردا كۇنىنە ارنالعان «جاستار ءۇنى» اكتسياسى ءوتتى.
اۋەلى اشىق الاڭدا ۇيىمداستىرىلعان اسىق اتۋ سايىسىنا جاسى دا, جاسامىسى دا قاتىسىپ, ءبىر ءماز-مەيرام بولىپ قالدى. سودان سوڭ كوماندالار ءىشىنەن ىرىكتەلگەن جوعارى جانە ورتا ارناۋلى وقۋ ورىندارى ستۋدەنتتەرىنەن قۇرالعان توپتار اراسىندا قىزىقتى ءازىل, ونەر سايىستارى ءوتتى. بەلگىلى ەسترادا جۇلدىزدارى قايرات باەكەنوۆ جانە «فورمات» توبى, دوس, كۇلايىم قايىرباەۆا, سون پاسكال, «ارت- دومبىرا» اسپاپتىق تريوسى, «Viva» شوۋ-بالەتى ونەر كورسەتتى. جەڭىمپازدار ديپلوم جانە باعالى سىيلىقتارمەن ماراپاتتالدى.
استانا قالاسى تىلدەردى دامىتۋ باسقارماسىنىڭ باسشىسى ەربول تىلەشوۆ ءوز سوزىندە بۇل شارانىڭ جاستار اراسىندا سالماعى زور ەكەنىن, ۇلتتىق تاعىلىمنان سۋسىنداتاتىنىن, ءبىر جاعى قازاقتىڭ ءتول مادەنيەتىن قايتا جاڭعىرتۋعا سەپتەسەتىنىن ايتتى.