كەشە استانادا قازاقستاننىڭ تۇرعىن ءۇي-قۇرىلىس جيناق بانكى (قتقجب) جەلىسى بويىنشا پاتەر ساتىپ الۋشىلاردىڭ تولەم قابىلەتىن باعالاۋ اياقتالدى. «قولجەتىمدى تۇرعىن ءۇي – 2020» باعدارلاماسىن جۇزەگە اسىرۋ اياسىندا قتقجب جەلىسى بويىنشا سەيفۋللين جانە بەيسەكوۆا كوشەلەرىنىڭ قيىلىسىندا كوپ پاتەرلى تۇرعىن ءۇي سالىنىپ ءبىتتى.
باعدارلاماعا قاتىسۋشىلار 12 قىركۇيەكتەن 1 قازانعا دەيىن ساتىپ الۋشىلار پۋلى مەن تۇرعىن ءۇيدى جالعا الۋشىلاردىڭ تولەم قابىلەتتىلىگىنە قايتا باعالاۋ جۇرگىزۋ ءۇشىن بانككە قۇجاتتارىن وتكىزۋگە ءتيىس بولاتىن.
استانا قالاسى اكىمدىگى ءباسپاسوز قىزمەتىنىڭ حابارلاۋىنشا, بانك تولەم قابىلەتتىلىگىن راستاعان باعدارلاما قاتىسۋشىلارىنىڭ ءتىزىمىن اپتاسىنا ءبىر رەت استانا قالاسىنىڭ تۇرعىن ءۇي باسقارماسىنا جولداپ وتىرادى. اتالعان ۆەدومستۆو ساتىپ الۋ-ساتۋ كەلىسىمىن جاساپ, ونى استانا قالاسىنىڭ ادىلەت دەپارتامەنتىندە تىركەۋ ءۇشىن تولەم قابىلەتتىلىگىن راستاعان باعدارلاما قاتىسۋشىلارىن شاقىرادى. كەلىسىمدەر ادىلەت دەپارتامەنتىندە تىركەلگەن سوڭ نەسيەلەۋ پروتسەدۋراسىنان وتكىزۋ ءۇشىن بانككە جىبەرىلەدى.
ەسكە سالا كەتەيىك, 2014 جىلى استانادا «قولجەتىمدى تۇرعىن ءۇي – 2020» باعدارلاماسى اياسىندا برۋسيلوۆسكي, يمانوۆ جانە جۇبانوۆ كوشەلەرىنىڭ قيىلىسىندا 272 پاتەرلىك تۇرعىن ءۇي كەشەنىنىڭ قۇرىلىسى قولعا الىنعان. ونى 2015 جىلى اياقتاۋ جوسپارلانعان. سونىمەن قاتار, «قولجەتىمدى تۇرعىن ءۇي – 2020» باعدارلاماسىن جۇزەگە اسىرۋ اياسىندا سالىنعان مىنا تۇرعىن ۇيلەردى بيىل تاپسىرۋ كوزدەلىپ وتىر: ساۋران جانە №24 كوشەلەردىڭ قيىلىسىنداعى كوپ پاتەرلى تۇرعىن ءۇي كەشەنى, سەيفۋللين جانە بەيسەكوۆا كوشەلەرىنىڭ قيىلىسىنداعى كوپ پاتەرلى تۇرعىن ءۇي كەشەنى, جۇماباەۆ داڭعىلى مەن قورداي كوشەلەرىنىڭ اراسىندا ايناكول كوشەسىندە ورنالاسقان كوپ پاتەرلى تۇرعىن ءۇي كەشەنى (1-لوت), جۇماباەۆ داڭعىلى مەن قورداي كوشەلەرىنىڭ اراسىندا ايناكول كوشەسىندە ورنالاسقان كوپ پاتەرلى تۇرعىن ءۇي كەشەنى (2-لوت), جۇماباەۆ داڭعىلى مەن قورداي كوشەلەرىنىڭ اراسىندا ايناكول كوشەسىندە ورنالاسقان كوپ پاتەرلى تۇرعىن ءۇي كەشەنى (3-لوت).
