جاقىندا حالىقتى جۇمىسپەن قامتۋ ماسەلەلەرى بويىنشا قولدانىستاعى زاڭنامالىق اكتىلەرىنە وزگەرىستەر مەن تولىقتىرۋلار ەنگىزىلدى. سوعان سايكەس مىندەتتى الەۋمەتتىك ساقتاندىرۋ زاڭناماسى دا وزگەردى.
ەلىمىزدىڭ الەۋمەتتىك قورعاۋ جۇيەسى اسىراۋشىسىنان نەمەسە جۇمىسىنان ايىرىلعان, مۇگەدەكتىگى مەن كارىلىگىنە بايلانىستى جۇمىس ىستەي المايتىن ازاماتتارعا قول ۇشىن بەرىپ, ولاردىڭ ءال-اۋقاتىن جاقسارتۋعا باعىتتالعان. سونىڭ ءبىر سالاسى – مىندەتتى الەۋمەتتىك ساقتاندىرۋ.
بۇل دەگەنىمىز – ازاماتتاردىڭ تابىس كوزىنەن ايىرىلعاندا كىرىستىڭ ءبىر بولىگىن وتەۋ ءۇشىن مەملەكەت ۇيىمداستىراتىن, باقىلايتىن جانە كەپىلدىك بەرەتىن شارالاردىڭ جيىنتىعى. سول سەبەپتى مiندەتتi الەۋمەتتiك ساقتاندىرۋ ەڭبەك ەتۋ قابiلەتiنەن, اسىراۋشىسىنان جانە جۇمىسىنان ايىرىلعان جاعدايدا, جۇكتىلىگىنە جانە بوسانۋىنا بايلانىستى تابىسىنان ايىرىلعان رەتتە, سونىمەن بىرگە, جاڭا تۋعان ءسابيدى اسىراپ الۋىنا بايلانىستى, بالا ءبىر جاسقا تولعانعا دەيىن ونىڭ كۇتىمىنە بايلانىستى تابىسسىز وتىرعان جاعدايدا بولiنەدi.
– ۇستىمىزدەگى جىلدىڭ ءساۋىر ايىنان باستاپ, ەڭبەك كودەكسىنىڭ 52-بابى 1-تارماعىنىڭ 1,2 جانە 3-تارماقشالارىمەن كوزدەلگەن نەگىزدەر بويىنشا جۇمىستان شىققان ازاماتتار التى اي مەرزىمگە دەيىن الەۋمەتتىك تولەم الۋعا مۇمكىندىگى بار. ياعني, جۇمىس بەرۋشى-زاڭدى تۇلعا تاراتىلعاندا نەمەسە جۇمىس بەرۋشى-جەكە تۇلعانىڭ قىزمەتى توقتاتىلعاندا, جۇمىسكەرلەر سانى نەمەسە شتاتى قىسقارتىلىپ, جۇمىس بەرۋشىنىڭ ەكونوميكالىق جاي-كۇيىنىڭ ناشارلاۋىنا اكەپ سوققاندا ەڭبەك شارتىنىڭ بۇزىلۋى بولىپ تابىلادى, –دەدى مىندەتتى الەۋمەتتىك ساقتاندىرۋ قورىنىڭ استانا قالاسى بويىنشا فيليالى ديرەكتورى ا.قاسەنوۆا.
وسى زاڭ اكتىسىنە سايكەس, حالىقتى جۇمىسپەن قامتۋ ورتالىعى جۇمىسسىز ازاماتتاردى الەۋمەتتىك جۇمىس ورىندارىنا, قوعامدىق جۇمىستارعا جانە كاسىبي وقىتۋعا جىبەرگەندە دە راسىمدەلگەن الەۋمەتتىك تولەمدەر توقتاتىلمايتىن بولادى.
قاراستىرىلعان الەۋمەتتىك تولەمدى توقتاتۋ تۋرالى شەشىمدى قور قابىلدايدى جانە مەملەكەتتىك كورپوراتسيا ارقىلى سەبەبىن كورسەتە وتىرىپ, الۋشىنى ءمىندەتتى تۇردە حاباردار ەتەتىن بولادى.
