كەشە س.سەيفۋللين اتىنداعى قازاق اگروتەحنيكالىق ۋنيۆەرسيتەتىنىڭ قازاقستان-بەلارۋس ينجەنەرلىك كادرلاردى دايارلاۋ جانە قايتا دايارلاۋ ورتالىعىندا «بەلارۋس-3522» تراكتورىنىڭ وقۋ-ادىستەمەلىك ماكەت-ءمودۋلىن سالتاناتتى تاپسىرۋ ءراسىمى ءوتتى.
بۇل – س.سەيفۋللين اتىنداعى قازاتۋ مەن «بەلارۋس تراكتورى ساۋدا ءۇيى» اراسىنداعى جىلدار بويى جالعاسىپ كەلە جاتقان ىنتىماقتاستىق بەلگىسى. سالتاناتتى راسىمگە قر ءىىم ۆيتسە-ءمينيسترى, قازاقستان-بەلارۋس ساۋدا-ەكونوميكالىق بايلانىستار مەملەكەتارالىق كوميسسياسىنىڭ تەڭ توراعاسى ۆ.بوجكو, بەلارۋس رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى ا.نيچكاسوۆ, س.سەيفۋللين اتىنداعى قازاق اگروتەحنيكالىق ۋنيۆەرسيتەتىنىڭ رەكتورى ا.كۇرىشباەۆ, «بەلارۋس تراكتورى ءسۇ» ديرەكتورى ي.موروزوۆ قاتىستى.
قازاتۋ رەكتورى اقىلبەك كۇرىشباەۆ بىرلەسكەن جوبالارعا سايكەس ۋنيۆەرسيتەت جانىنان عىلىمي-وندىرىستىك كلاستەر قۇرۋ, كوكشەتاۋ قالاسىندا كوممۋنالدىق جانە اۋىلشارۋاشىلىق تەحنيكاسىن قۇراستىرۋ بويىنشا يندۋستريالدى-تەحنولوگيالىق پارك سالۋ, سونىمەن قاتار ۋنيۆەرسيتەتتىڭ قوسالقى شارۋاشىلىعىندا سىناق بازاسىن دامىتۋ جوسپارلانىپ جاتقانىن اتاپ ءوتتى.
ۋنيۆەرسيتەتكە تارتۋ ەتىلگەن تراكتور ءمودۋلىنىڭ جالپى ماسساسى – 7 توننا, ۇزىندىعى – 5 مەترگە جۋىق, ەنى – 2 مەتردەن استام جانە بيىكتىگى 3 مەترگە تەڭ. ونىڭ كومەگىمەن ستۋدەنتتەر تراكتورلاردىڭ اساي-مۇسەيىمەن جاقىننان تانىسا الادى. بۇل ماشينانىڭ اۋىلشارۋاشىلىق نارىعىندا بولاشاعى زور, دەمەك جاس ماماندارعا ونىڭ قۇرىلىسى مەن پايدالانۋىن قازىردەن باستاپ ۇيرەنە بەرۋ قاجەت.
بەلارۋس رەسپۋبليكاسىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى ا.نيچكاسوۆ الداعى ۋاقىتتا ەكى جاقتى ىنتىماقتاستىعىمىز ودان ءارى دامي تۇسەتىنىن ايتتى.
