ءتورت كۇننەن بەرى ەلوردا اسپانىن قالىڭ تۇمان باسىپ تۇر. ءتىپتى, كەشە سونىڭ سالدارىنان استانا اۋەجايىنان ۇشاتىن توعىز اۆيارەيس كەيىنگە شەگەرىلدى. جوعارىدان قاراعاندا ءزاۋلىم عيماراتتاردىڭ توبەسى, ۇيلەردىڭ كەسكىنى عانا كورىنىپ, اق مۇنار قالا كوشەلەرىندەگى جول قوزعالىسىنا دا ايتارلىقتاي كەدەرگىلەر كەلتىردى.
مىنە, اۋا رايىنىڭ اياق استىنان وسىلاي قۇبىلۋىن جانە ونىڭ قانشا ۋاقىتقا جالعاساتىنىن «قازگيدرومەت» رمك قىسقا مەرزىمدى بولجامدار باسقارماسىنىڭ ماماندارى بىلاي ءتۇسىندىردى: «سولتۇستىكتەن سوققان سۋىق اۋا اعىندارىنىڭ جىلى اۋامەن الماسۋى تۇماننىڭ تۇسۋىنە سەبەپ بولدى. قازىر سۋىقتىڭ كولدەنەڭ باعىتتا اۋىسۋى سالدارىنان شاھاردى ادۆەكتيۆتى تۇمان تۇمشالاپ تۇر. ياعني, وڭتۇستىك تسيكلوندار سۋىق اۋا اعىمدارىمەن الماسىپ جاتىر.
كەشە تۇندە جانە تاڭەرتەڭ قالا توڭىرەگىندە وسى كورىنىس تولىق ساقتالدى.
ال, بۇگىن, ياعني, 6 قاراشادان باستاپ اينالا اشىلىپ, تۇمان سەيىلە باستايدى. ارتىنان كوشپەلى بۇلت شىعادى, جاۋىن-شاشىن جاۋمايدى. اۋا تەمپەراتۋراسى +4, +6 °س شاماسىندا بولادى».
ساعي ورال
