استانا قالاسى ءماسليحاتىنىڭ دەپۋتاتى, ءماسليحاتتىڭ بيۋدجەت, ەكونوميكا, ونەركاسىپ جانە كاسىپكەرلىك ماسەلەلەرى جونىندەگى تۇراقتى كوميسسيانىڭ توراعاسى كەندەباي ادامبەك دەپۋتاتتىق مانداتقا يە بولعان ۋاقىتتان باستاپ 30 تۇرعىنعا قابىلداۋ وتكىزىپ, وتىنىشتەرىنىڭ باسىم بولىگىن ورىندادى.
ەلوردانىڭ كوپتەن بەرى ورتالىق جىلۋعا مۇقتاج بولعان «لازۋرنىي بەرەگ» تۇرعىن ءۇي كەشەنىن ورتالىقتاندىرىلعان جىلۋعا قوسىلۋىنا اتسالىستى. ۇلتتىق بيوتەحنولوگيا ورتالىعى تاراپىنان تۇسكەن وتىنىشكە جۇمىس توبىن قۇرىپ, ورتاق كەلىسىمگە كەلۋگە كومەكتەستى. قالامىزداعى ءوتىنىش كەلىپ تۇسكەن وزگە دە ماسەلەلەردى شەشىپ بەردى. سونىڭ ىشىندە اۋلالاردى اباتتاندىرۋعا, كوشەلەردى جارىقتاندىرۋعا, جول قاۋىپسىزدىگىنە ارنالعان قۇرىلعىلاردى ورناتۋعا جانە ت. ب. ماسەلەلەردى شەشۋگە كومەكتەستى. ەلوردانىڭ تۇرعىن الاپتارىن كوگالداندىرۋعا, جارىقتاندىرۋعا, جول جانە كارىز جۇيەلەرىن جۇرگىزۋگە سەپتىگىن تيگىزدى. «مەكتەپكە جول» باعدارلاماسى اياسىندا 3 وقۋشىعا مەكتەپكە ارنالعان بارلىق قۇرال-جابدىعى بار پورتفەل سىيلادى. «ارداگەرلەردى ارداقتايىق» جوباسى شەڭبەرىندە تىل ارداگەرلەرىنە تۇراقتى كومەك كورسەتىپ كەلە جاتىر.
كەندەباي سارىبايۇلى استانا قالاسىنىڭ كوممۋنالدىق مەنشىكتى ءتيىمدى باسقارۋ كوميسسياسىنا, تاريفتىك ساياسات جونىندەگى وڭىرلىك كەڭەستىڭ جۇمىستارىنا بەلسەندى جانە ناتيجەلى ۇلەس قوستى. استانا قالاسى بويىنشا تەكسەرۋ كوميسسياسىنىڭ جۇمىستارىنا جۇيەلى تۇردە قاتىستى. مەملەكەتتىك-جەكەمەنشىك-ارىپتەستىك جوباسى شەڭبەرىندە قىزمەتتىك كولىك سالاسى بويىنشا جانە بەينەباقىلاۋ كامەرالارى بويىنشا جوبالاردىڭ جۇزەگە اسۋىنا ءوز سەپتىگىن تيگىزدى.
دەپۋتات بيۋدجەت قاراجاتىن ءتيىمدى پايدالانۋ, استانا قالاسىنىڭ 2021-2025 جىلدارعا ارنالعان دامۋ جوسپارىن ىسكە اسىرۋ ماسەلەلەرىن ەرەكشە باقىلاۋدا ۇستاۋدا. جەرگىلىكتى اتقارۋشى ورگانعا №1 يندۋستريالدى پاركتىڭ ينفراقۇرىلىمىن اياقتاۋ جانە №2 يندۋستريالدى پاركتىڭ جوباسىن باستاۋ, «استانا كاسىپكەرلىگى» باعدارلاماسىن ىسكە اسىرۋ جونىندەگى مىندەتتەردى ىسكە اسىرۋعا جاردەمدەسۋدە. بيۋدجەتتىك شىعىستاردى وڭتايلاندىرۋدىڭ, قالانىڭ جۇيەلى جوبالارىنا قاراجاتتى ءتيىمدى پايدالانۋدىڭ تۇراقتى باستاماشىسى بولۋدا.
كەندەباي ادامبەك ەلوردالىق ءماسليحاتتىڭ بيۋدجەت, ەكونوميكا, ونەركاسىپ جانە كاسىپكەرلىك ماسەلەلەرى جونىندەگى تۇراقتى كوميسسياسىن باسقارادى. وتكەن جىلدىڭ ءساۋىر ايىنان باستاپ تۇراقتى كوميسسيا 20-دان استام جوسپارلى وتىرىس, سونىڭ ىشىندە جاريا تىڭداۋلار, كوشپەلى وتىرىستار وتكىزدى. تۇراقتى كوميسسيانىڭ قۇرامىنا 8 دەپۋتات كىرەدى. ونىڭ بارلىق مۇشەلەرى كوميسسيا قىزمەتىنە جانە ءماسليحاتتىڭ باسقا ورگاندارىنا بەلسەندى قاتىسادى. ولار بەكىتىلگەن ءوز وكرۋگتەرىنىڭ تۇرعىندارىمەن تۇراقتى بايلانىستا, سايلاۋشىلاردىڭ ولارعا كەلىپ تۇسكەن وتىنىشتەرى باقىلاۋدا, ازاماتتاردى تۇراقتى تۇردە جەكە قابىلداۋ جۇرگىزەدى. تۇراقتى كوميسسيا قىزمەتىندەگى باسىم باعىتتاردىڭ ءبىرى رەتىندە الداعى جىلدارعا ارنالعان قالا بيۋدجەتىن دايىنداۋعا جانە بەكىتۋگە باستى نازار اۋدارادى. جالپى ءماسليحاتتىڭ بيۋدجەت, ەكونوميكا, ونەركاسىپ جانە كاسىپكەرلىك ماسەلەلەرى جونىندەگى تۇراقتى كوميسسياسىنىڭ قىزمەتى قولدانىستاعى زاڭناماعا, ءماسليحاتتىڭ 2023 جىلعا ارنالعان رەگلامەنتى مەن جۇمىس جوسپارىنا سايكەس جۇزەگە اسادى.
كەندەباي سارىبايۇلى – Amanat پارتياسىنىڭ مۇشەسى. پارتيانىڭ استانا قالالىق سايلاۋالدى «حالىقپەن بىرگە» باعدارلاماسى جول كارتاسىنىڭ 10 تارماعىنا جەتەكشىلىك ەتەدى. قۇجاتتا حالىقتى جۇمىسپەن قامتۋ, ينۆەستيتسيالىق جوبالاردى تارتۋ, وڭدەۋ ونەركاسىبىن ارتتىرۋ, «بيۋدجەتكە قاتىسۋ» باعدارلاماسىن ۇيىمداستىرۋ, تاعى سول سەكىلدى بىرنەشە تارماقتىڭ جۇزەگە اسۋىن باقىلاۋدا ۇستايدى. پارتيانىڭ استانا قالالىق سايلاۋالدى باعدارلاماسىنىڭ جول كارتاسى بويىنشا 2023 جىلى وزىنە تيەسىلى تارماقتاردى ءساتتى ورىندادى.
كاسىپكەرلىك باستامالاردى قولداۋ شەڭبەرىندە ءاربىر ون مىڭ تۇرعىنعا كەمىندە 100 جاڭا جۇمىس ورنىن قۇرۋ جوسپارىن پارتيامەن بىرگە 51806 جاڭا جۇمىس ورنىن قۇرۋعا كومەكتەستى. كاسىپكەرلىكتى دامىتۋ اياسىندا 17 نىساندى قولدانىسقا بەرۋگە اتسالىستى. مۇقتاج ازاماتتاردى جالعا جانە نەسيەگە بەرىلەتىن 1416 پاتەرمەن قامتاماسىز ەتىپ, سونىڭ ىشىندە 500 پاتەردىڭ جاستار ءۇشىن ساتىپ الىنۋىنا كومەكتەستى. سونىمەن قاتار 26 كوپقاباتتى تۇرعىن ۇيگە جانە 30 جەدەلساتىعا جوندەۋ جۇمىستارىن جۇرگىزۋگە ىقپال ەتتى. الەۋمەتتىك وسال توپتارى ساناتىنا جاتاتىن 170 مىڭ ادامنىڭ قوعامدىق كولىكتە تەگىن ءجۇرۋىنىڭ ساقتالۋىنا ءوز كومەگىن كورسەتتى. 400 جاڭا قوعامدىق كولىك ساتىپ الۋعا, 13 شاقىرىم جاڭا كوشە سالۋعا جاردەم بەردى. ماسليحاتتاعى Amanat پارتياسى فراكتسياسىنىڭ باقىلاۋىمەن 3-جەو ءبىرىنشى كەزەگىنىڭ قۇرىلىسى اياقتالۋىنا, 96 شاقىرىم گاز جەلىلەرىن جۇرگىزۋگە ءوز سەپتىگىن تيگىزدى.
استانا قالاسى ءماسليحاتىنىڭ بيۋدجەت, ەكونوميكا, ونەركاسىپ جانە كاسىپكەرلىك ماسەلەلەرى جونىندەگى تۇراقتى كوميسسيا بيىل توقساندىقتارعا بولىنگەن جوسپار جاسادى. سونىڭ ىشىندە مەملەكەتتىك-جەكەمەنشىك ارىپتەستىك جوبالارىن ىسكە اسىرۋ جونىندەگى ەسەبىن تىڭداۋ, №1, 2 يندۋستريالدى پاركتەرىنىڭ ينجەنەرلىك ينفراقۇرىلىمىن جۇرگىزۋگە باعىتتالعان قاراجاتتىڭ جۇمسالۋىنىڭ تيىمدىلىگى تۋرالى بىرقاتار ماڭىزدى وتىرىستى ايتۋعا بولادى. استانا قالاسىنىڭ 2025-2027 جىلدارعا ارنالعان بيۋدجەتىنىڭ جوباسى تۋرالى ماڭىزدى قۇجات قابىلدانۋى قاجەت.
