تۇرسىنبەكقاباتوۆ, استانا قالاسى كوڭىلدى تاپقىرلار تەاترىنىڭ ديرەكتورى: مەن — ساحنادان اسابالىققا ەمەس, اسابالىقتان تەاترعا كەلگەن اداممىن

وسىدان ون جىل بۇرىنعى تۇرسىنبەك پەن قازىرگى تۇرسىنبەكتىڭ ايىرماشىلىعى بار ما?
جانار, استانا قالاسى

نەگە بولماسىن. اۋىلعا بارسام, «ءوي, سەن باياعىدا وزىمىزبەن ويناپ-كۇلىپ جۇرەتىن تۇرسىنبەك ەدىڭ, ۇندەمەيتىن بولىپ قالىپسىڭ. جۇلدىز اۋرۋىنا شالدىعايىن دەگەنسىڭ بە؟» دەيدى. «كوكەم-اۋ, مەن اۋىلدان 19 جاسىمدا كەتكەن بالا ەمەسپىن بە؟». بالا كەزىڭدە اينالاڭداعىلاردىڭ كۇلگەنىنە ءماز بولىپ, اۋزىڭ تىنباي سويلەي بەرەسىڭ. قازىر ءبىر ءۇيدىڭ وتاعاسىمىن, اكەمىن. ويلانىپ سويلەيتىن جاسقا جەتتىك. سوندىقتان, مەنى وزگەرتكەن تانىمالدىلىق دەسەڭىزدەر, قاتەلەسەسىزدەر.

تانىمالدىلىق سىزگە نە بەردى?
بالنۇر يبراگيم, مەكتەپ وقۋشىسى

باياندى دەگەن ونەردە بىرگە جۇرگەن دوسىم بار. ۆەتەريناريا فاكۋلتەتىن بىتىرگەن. سونىڭ «ديپلومىڭىز نە بەردى؟» دەگەن ساۋالعا «ءتورت جىل وقىپ العان ديپلومىم 15 مىڭ تەڭگە كورىمدىك جي- ناپ بەردى» دەگەنى بار ەدى. جاسىرمايمىن, تانىمالدىلىقتىڭ كۇندەلىكتى كۇيبەڭ تىرلىكتە پايداسى ءتيىپ جاتادى. «سەن تۇرسىنبەك ەمەسسىڭ بە؟» دەپ, بار ماسەلەڭدى شەشىپ بەرۋگە دايىن تۇرادى. كەيدە وزگە وڭىرلەرگە جولىمىز تۇسە قالعاندا «موينى جۋان» جىگىتتەردىڭ ءوزى «ەي, سەن الگى كۆن-داعى جىگىت ەمەسسىڭ بە؟» دەپ قول بەرىپ جاتادى.

سوڭعى كەزدەرى ونەر ادامدارىنا سىن ايتۋدىڭ سوڭى ءبىرىن–ءبىرى سوتقا سۇيرەۋگە ءجيى ۇلاساتىن بولىپ ءجۇر. ءسىز سىندى قالاي قابىلدايسىز?
مارال ەسىركەپقىزى, ستۋدەنت

سىننىڭ ايتىلعانى دۇرىس شىعار. كەيدە جۇرەككە تيەتىن ورىنسىز سىندار دا بولادى. جاسىراتىنى جوق, ءبىراز سىنعا ۇشىرادىق. ءبىز تۋرالى جازعان بۇكىل گازەت-جۋرنالداردى جيناپ وقىپ شىعاتىنمىن.

بىرەۋى كونتسەرتىمىزدىڭ «بازار جوق» دەگەن اتاۋىنا, ەكىنشىسى «تۇرسىنبەك تىم تەز سويلەيدى, «احا» دەگەن ءسوزدى ءجيى قايتالايدى» دەپ, ءۇشىنشىسى «ازىلدەرى قازان-وشاقتىڭ اينالاسىنان ۇزاپ شىقپايدى» دەپ سىناپتى. سوسىن تەز سويلەيتىن ادەتتەن ارىلىپ, ءجاي سويلەۋگە كوشتىم. بەينەتاسپالاردى قاراپ وتىرسام, «احا» دەگەن ءسوزدى ءبىر-اق قويىلىمدا قايتالاي بەرگەن ەكەنمىن. قادالعانى وسى بولسا, بۇدان كەيىن مۇلدە ايتپاي-اق قويايىن دەپ شەشتىم. قازان-وشاق تاقىرىبىن الىپ تاستاپ, ودان جوعارىلاۋ دەڭگەيدەگى ازىلگە كوشتىك. مىنە, ءار 3-4 اي سايىن ءبىر كونتسەرت بەرىپ وتىرمىز. بيىل قالا كۇنى قارساڭىندا توعىزىنشى كونتسەرتىمىزدى جوسپارلاپ وتىرمىز. حالىق بۇعان دەيىنگىلەرىن جاقسى قابىلدادى. سىن ساپ تىيىلدى. بىراق, ءبىر قىزىعى, بىردە-ءبىر باسىلىم «كونتسەرتتەرىڭ كە- رەمەت ءوتتى» دەپ جازىپ جاتقان جوق.

«تۇرسىنبەك اسابالىققا تاپسىرىس الىپ, كوڭىلى سوقپاسا بارماي قويا سالادى ەكەن» دەيدى. بۇل قانشالىقتى راس?
اينۇر, جۋرناليست

قالاي ايتسام ەكەن… وسى وزگە اسابالار كىمگە وتىرىك ايتتى, كىمدى سازعا وتىرعىزىپ كەتتى,ونىمەن حالىقتىڭ جۇمىسى جوق. ال ءبىزدىڭ ءجۇرىسىمىز, تۇرىسىمىز, سويلەسىمىز ءبارى اڭگىمە. بۇل تانىمالدىلىقتىڭ زياندى تۇسى ەندى. قايتا ماعان بۇرىن ەشكىم تانىمايتىن كەزىمدە توي جۇرگىزۋ الدەقايدا جەڭىل بولاتىن. ءبىر كەزدەردە الگىندەي جايلاردىڭ بولعانى راس. بىراق, ەشكىمنىڭ اقشاسىن جەپ كەتكەنىم جوق, قايتارىپ بەردىم.

ويتكەنى, بارا الماۋىمنىڭ سەبەپتەرى تبولدى. قازىر شىنىمدى ايتسام, جەلتوقسان ايىنا دەيىنگى سەنبى, جەكسەنبىنىڭ بىردە-بىرەۋىندە بوس ەمەسپىن, تاپسىرىس الىپ قويعام. حالىق الماسىما قويمايدى. ەگەر قالا باسشىلىعى تاراپىنان سول كۇندەرى ماڭىزدى كونتسەرتتەردى,

مەرەكەلىك شارالاردى جۇرگىزۋ تاپسىرىلىپ جاتسا, امال جوق, تويدان باس تارتامىن دەپ, بارىنە و باستان ەسكەرتەمىن. بىراق, مەن ەشۋاقىتتا ءدال توي كۇنى بارا المايتىنىمدى ايتىپ, توي يەسىن اۋرە-سارساڭعا تۇسىرگەن كەزىم بولعان ەمەس. كەمىندە 2-3 اي بۇرىن ەسكەرتەمىن.

مويىنداۋ كەرەك, جاس كەزدە تالاي نارسە بولدى. جاستىقپەن اششى سۋدان ۇرتتاپ قوياسىڭ. ءىشىپ وتىرعان ادام ۋاقىتتىڭ قالاي وتكەنىن ءبىلۋشى مە ەدى؟ ول كەزدە ۇيالى تەلەفون اتىمەن جوق. ەسىڭدى جيناعاندا, توي باستالىپ كەتەدى. قازىر اششى سۋدان تاتىپ المايمىن. ءتفا-ءتفا, ونداي جاۋاپسىزدىققا سالىنعان كەزىم بولعان جوق.

 
«بازار جوق» دەگەن اتاۋدى باسقاشا

ەتىپ قويۋعا بولماس پا ەدى?
em>الماس جاقسىلىقوۆ, ستۋدەنت

تەاتر «استانا كوڭىلدى تاپقىرلار تەاترى» دەپ اتالادى. ال, «بازار جوق» – كونتسەرتتىڭ اتاۋى. بۇل اتاۋمەن تەاتر قۇرىلماي تۇرىپ كونتسەرت وتكىزىپ جۇرگەنمىن. وسىدان ەكى جىل بۇرىن تەاتردىڭ اشىلۋ سالتاناتى كەزىندە ءبىز كوشەلەرگە «استانا كوڭىلدى تاپقىرلار تەاترىنىڭ» كونتسەرتى دەپ جارناما ىلدىك. كونتسەرتكە ءۇش كۇن قالعاندا كاسسادان جەتى-اق بيلەت ءوتتى. سودان ءبىر ءتۇننىڭ ىشىندە بۇكىل جارنامانى جىرتىپ, «استانا كوڭىلدى تاپقىرلار تەاترىنىڭ اشىلۋى», «بازار جوق» كونتسەرتى دەپ وزگەرتتىك.

كونتسەرت كۇنى كاسسانىڭ الدىندا بيلەت ىزدەپ جۇرگەن حالىقتا ەسەپ جوق. «بازار جوق» اتاۋى حالىققا بۇرىننان تانىس. سوندىقتان, بۇل اتاۋ رەيتينگىمىزدى كوتەرۋ ءۇشىن قاجەت بولدى. بولاشاقتا «بازار جوق» اتاۋىن مۇلدە الىپ تاستاپ, «استانا كوڭىلدى تاپقىرلار تەاترى» دەپ شىعاتىن بولامىز.

 
ءسىزدىڭ تەاتردىڭ ارتىستەرى پاروديا جاساۋدا نەگە 4-5 كەيىپكەردىڭ توڭىرەگىنەن اينالىپ شىقپايدى?
جازيرا الىمقىزى

باسىندا ءوزىمىز دە نەگە وسىلاردى اينالىپ شىقپاي قالدىق دەپ ويلاعانبىز. سويتسەك, جوعارىداعىلاردىڭ كوبىسىنىڭ داۋسىن بىلمەيدى ەكەنبىز عوي. بىردە بىرەۋى سويلەمەيدى ەكەن. بار بىلەرىمىز, سول 4-5 جان. كىم ەكەنىن حالىق بىردەن ءدوپ باسپاسا, ونىڭ نەسى پاروديا؟ بىردە جۋرناليستەر بولسا كەرەك, يمانعالي اعامىزدان «ءسىزدى جىگىتتەر ءجيى پارودياعا سالىپ ءجۇر عوي» دەسە, «پارودياعا سالىپ جاتسا, دەمەك حالىق مەنى جاقسى تانيدى دەگەن ءسوز. ال, پاروديانى جاساعان ادامدى ناعىز ونەر ادامى دەر ەدىم» دەگەن ەكەن. بىراق, وكىنىشتىسى, بىزدە پاروديانى دۇرىس قابىلدايتىن مۇنداي كىسىلەر از. كوبىسى مازاق ەتۋ دەپ تۇسىنەدى.

ءسىزدى مىقتى اسابالاردىڭ ءبىرى دەيدى. توي جۇرگىزۋ شەبەرلىگىڭىز شىنىندا مىقتى ما, الدە حالىق ءسىزدى تانىمال بولعانىڭىز ءۇشىن شاقىرا ما?
ايىم بيدوسوۆا, استانا قالاسى

مەن ساحنادان اسابالىققا كەتسەم, تويعا تانىمالدىلىعىم ءۇشىن شاقىرادى دەۋىمە بولار ەدى. بىراق, مەن اسابالىقتان ساحناعا كەلگەن اداممىن. مەن توي جۇرگىزدىم ەكەن دەپ, ساحنانى تاستامايمىن. ساحنادا ءجۇرمىن ەكەن دەپ, تويدان دا باس تارتپايمىن.

«تۇرسىنبەك, تۇرسىنبەك, قاباتوۆ تۇرسىنبەك…» دەيتىن ءاننىڭ اۆتورى كىم?
گۇلدەن يساەۆا

استانالىق دوسىم, بەلگىلى كومپوزيتور قايرات باەكەنوۆكە وسى ءتارىزدى ءان شىعارساق دەپ اۋەنىن «تۇرسىنبەك تۇرسىنبەك….» دەگەن سوزگە سالىپ, ىڭىلداپ بەرگەنمىن. ەرتەسىنە ستۋدياسىنا شاقىرىپ تۇر. بارسام, «دابىل» توبىنىڭ جىگىتتەرى, قالقامان سارين, دوس, مەيىرجان الىبەكوۆ ءبارى جينالىپ, ءاندى جازىپ تا ۇلگەرىپتى. قىزىعى سول, مەنىڭ «تۇرسىنبەك, تۇرسىنبەك» دەگەن ءسوزىمدى قايىرماسى ەتىپ سول قالپىندا قالدىرىپتى.

 
ساحنانى تاستاپ, باسقا سالاعا كەتىپ قالعىڭىز كەلەتىن كەزدەر بولا ما?
مارات, استانا قالاسى

ونداي ءسات بولدى. بىردە ينتەرنەت بەتىنەن «د.ماكەجان» دەگەن ءجۋرناليستىڭ ءبىز جايىندا جازعانسىن پىكىرىن وقىدىم. جەردەن الىپ, جەرگە سالىپتى. مەنى ونەردەن ەندى كەتپەستەي ەتكەن وسى ماقالا بولدى.

سەبەبى, ماقالانىڭ استىنا 300-دەي ادام پىكىرىن قالدىرىپتى. ءبارى – مەنىڭ جاعىمدا. ماقالاداعى سىن پىكىرلەردىڭ تاس-تالقانىن شىعارعان. قىسقاسى, مەنى ساحنادا الىپ جۇرگەن حالىقتىڭ وسىنداي ىستىق ىقىلاسى.

ەلدى كۇلدىرۋدە الدىڭىزعا جان سالمايسىز. ءوزىڭىزدىڭ جان–تانىڭىزبەن كۇلەتىن كەزدەرىڭىز ءجيى كەزدەسە مە?
ماقسات, مەكتەپ وقۋشىسى

ءبىراز جىل بۇرىن قازاقستان تەلەارناسىنداعى «دارابوز» دەگەن باعدارلاماعا قاتىسقانىم بار. بىردە پويىزدا كەلە جاتىپ, شاعىن ستانتسيالاردىڭ بىرىنە توقتادىق. سويتسەم, الگى اۋىلدا تەك «قازاقستان» تەلەارناسى كورسەتەدى ەكەن. كۆن «ورت» تەلەارناسىندا, «بازار جوق» «ەلارنادان» بەرىلەدى.
جەرگە تۇسسەم, بىرەۋ جانىما جەتىپ كەلدى. «سەن الگى, سەن الگى… كىم ەدى؟» دەپ ەسىنە تۇسىرە الماي تۇر. «كۆن نەمەسە «بازار جوقتاعى» تۇرسىنبەكسىڭ» دەپ ايتادى ەكەن دەسەم, «ءا-ءا-ءا, سەن الگى «دارابوزداعى» جىگىتسىڭ عوي» دەيدى جەردەن جەتى قويان تاپقانداي قۋانىپ. ءاي, ءبىر كۇلگەنىم-اي, سول كەزدە…

جازىپ العان شىنار دوسان