استانا قالاسىنىڭ اكىمى يمانعالي تاسماعامبەتوۆ«جىل ۇستازى – 2014» قالالىق بايقاۋىنىڭ گران-پري يەگەرى – №4 مەكتەپ-گيمنازيانىڭ قازاق ءتىلى مەن ادەبيەتى ءپانىنىڭ مۇعالىمى سايلاۋگۇل قارشىعاعا جەڭىل اۆتوكولىكتىڭ كىلتىن تابىس ەتتى.
كەشە «كونگرەسس حولل» سارايىندا جىلداعى قالىپتاسقان ءداستۇر بويىنشا استانا قالاسىنىڭ ەڭ تاڭداۋلى ءبىلىم ۇيىمدارى مەن مۇعالىمدەرى ماراپاتتالدى.
ۇستاز – ۇلى تۇلعا. بۇگىنگى مەرەيلى مەرەكەسىندە ولارعا ارناپ قانشا جىلى سوزدەر ايتساق تا, ارتىقتىق ەتپەيدى. وزگەنىڭ بالاسىن ءوز بالاسىنداي كورىپ, شاكىرتىنىڭ بويىنا ءبىلىم نارىمەن قاتار, ءومىردىڭ ۇلاعاتىن دا سىڭىرە بىلەتىن وسى اياۋلى جاندار قانداي قۇرمەتكە دە لايىق. مىنە, ءزاۋلىم عيمارات ساحناسىنداعى جىلى لەبىزدەرمەن, ىستىق ىقىلاستار سولارعا ارنالدى.
ءتول مەرەكەسىنە شالقار پەيىل, شادىمان كوڭىل-كۇيمەن كەلگەن ۇستازداردى قازاقستان رەسپۋبليكاسىنىڭ ءبىلىم جانە عىلىم ۆيتسە-ءمينيسترى تاحير بالىقباەۆ, قازاقستان رەسپۋبليكاسى پارلامەنتى سەناتىنىڭ دەپۋتاتى ۆ.رەدكوكاشين, قازاقستان رەسپۋبليكاسى پارلامەنتى ءماجىلىسىنىڭ دەپۋتاتى ءا.بيمەندينا قۇتتىقتادى.
بيىل «ۇزدىك مەكتەپ – 2014» قۇرمەتتى اتاعىن №60 مەكتەپ-ليتسەي يەلەندى. ولارعا «استانا – بايتەرەك» كۋبوگى مەن 16 ميلليون تەڭگەنىڭ سەرتيفيكاتى تابىس ەتىلدى. ءارى وسى ءبىلىم مەكەمەسىنىڭ وقۋ-تاربيە جۇمىسىندا جەتىستىككە جەتكەن ون ۇزدىك مۇعالىمنىڭ ەڭبەكاقىسىنا ەلۋ پايىز ۇستەمە تاعايىندالدى.
ال, «ۇزدىك بالاباقشا» اتالىمىنا №64 «اسىل بوبەك» بالاباقشاسى يە بولدى. سونداي-اق, بيىلعى بايگەدە كاسىپتىك-تەحنيكالىق كوللەدجدىڭ, قوسىمشا ءبىلىم مەكەمەلەرى اراسىندا وقۋشىلار سارايى جانە ارناۋلى ءبىلىم مەكەمەلەرى اراسىندا №2 وڭالتۋ ورتالىعىنىڭ مەرەيى ءوسىپ, ۇزدىك تانىلدى.
ودان كەيىن «ۇزدىك سايت» اتالىمى بويىنشا ماراپاتتاۋدا ءى ورىن – №3 مەكتەپ-گيمنازياعا, ءىى ورىن – №18 ورتا مەكتەپكە, ءىىى ورىن – №40 ورتا مەكتەپكە بۇيىردى. ولاردىڭ بارلىعى دا استانا قالاسى اكىمىنىڭ ديپلومىمەن ماراپاتتالدى.
ۇستازدارعا سالتاناتتى قۇرمەت كورسەتۋ راسىمىنە پەداگوگيكالىق ەڭبەك ارداگەرلەرى, ءبىلىم بەرۋ ۇيىمىنىڭ باسشىلارى مەن قوعامدىق ۇيىم وكىلدەرى قاتىستى.
مەرەكەلىك شارا اياسىندا قايرات نۇرتاس, مارجان اراپباەۆا, «مۋزارت» تريوسى, «Boicekz» كۆارتەتى, «Zet» تريوسى سىندى تانىمال ەسترادا انشىلەرى مەن وقۋشىلار سارايىنىڭ شىعارماشىلىق ۇجىمدارى قاتىسقان كونتسەرت بارشاعا مەرەكەلىك كوڭىل-كۇي سىيلادى.
العاش الىپپەنىڭ بەتىن اشىپ, ءارىپ تانىتقان, ءومىردىڭ قىر-سىرىن بىلۋگە قۇشتار ەتىپ, شاكىرتىنىڭ جان دۇنيەسىنە نۇرلى شۋاق سەبەتىن, ادامگەرشىلىككە باۋليتىن جاندار تۋرالى ارىپتەستەرىنىڭ لەبىزدەرىن دە بىلدىك.
باقىتگۇل مولشىلىققىزى, قالاداعى №41 «بالدىرعان» بالاباقشاسىنىڭ ادىسكەرى:
– بارلىق ارىپتەستەرىمدى بۇگىنگى ءتول مەرەكەلەرىمەن شىن جۇرەكتەن قۇتتىقتايمىن! قازىر قالادا بالاباقشالارعا بارلىق جاعداي جاسالىپ وتىر. مەنى مۇنداعى قىزمەتكەرلەردىڭ ەڭبەكقورلىعى ەرەكشە سۇيسىندىرەدى. بىزگە تاۋەلسىز مەملەكەتتىڭ بولاشاق ازاماتتارىن تاربيەلەۋدەن ارتىق قانداي باقىت بار؟
ماحمۇت تۋلياكوۆ, №40 ورتا مەكتەپتىڭ دەنە شىنىقتىرۋ ءپانىنىڭ مۇعالىمى:
– كەزىندە احمەت بايتۇرسىنۇلى: «جاقسى مۇعالىم مەكتەپكە جان كىرگىزەدى, باسقا كەمشىلىگى بولسا, مۇعالىمنىڭ جاقسىلىعى جابادى, بىلدىرمەيدى» دەپتى. مىنانداي جاھاندانۋ زامانىندا كەزدەسەتىن قيىندىقتارعا قاراماستان, بالالارمەن جۇمىس ىستەۋ تەك ءوز ءىسىن جەتە سۇيگەن مامانداردىڭ قولىنان كەلەدى دەسەم, ارتىق ايتپايمىن. سوندىقتان, مۇعالىمدەرگە بۇگىنگى كورسەتىلىپ جاتقان قۇرمەت پەن ماراپات وتە ورىندى دەپ ەسەپتەيمىن.
تاڭاتار تولەۋعاليەۆ
