استانا قالاسىنىڭ ەڭ ۇزدىك سانتەحنيكتەرى رەسەيدە وتەتىن كاسىبي شەبەرلەر حالىقارالىق چەمپيوناتىنا دايىندالىپ جاتىر. ەلوردا اتىنان بارعالى وتىرعان شەبەرلەر كونكۋرستىڭ العاشقى كەزەڭى بويىنشا باق سىناۋعا كىرىستى.
ۇيىمداستىرۋشىلاردىڭ ايتۋىنشا, كونكۋرستىڭ العاشقى كەزەڭى – «قايىرىمدى سانتەحنيكتەر» دەپ اتالادى. ەرەجە بويىنشا, شەبەرلەر الەۋمەتتىك جاعىنان از قامتىلعان وتباسىلارعا كومەك قولىن سوزىپ, سۋ-كارىز قۇبىر جۇيەسىن تەگىن جوندەپ بەرۋى ءتيىس ەكەن. «وسى ماقساتتا تۇرعىندار اراسىندا ارنايى سۇراۋ سالدىق. كىمدە قانداي ماسەلە بار دەپ. كەيىننەن استانا قالاسىنىڭ جۇمىسپەن قامتۋ ورتالىعىنا حابارلاسىپ, جالعىز باستى زەينەتكەرلەر, ارداگەرلەر مەن الەۋمەتتىك جاعىنان از قامتىلعان وتباسىلار تۋرالى مالىمەتتەر الدىق. اقىلداسا كەلە, قالامىزدىڭ شەتكى اۋداندارى مەن ينفراقۇرىلىمى ءالى دامي قويماعان ەلدى مەكەندەرگە باسىمدىق بەرۋ تۋرالى شەشىمگە كەلدىك. استانا قالاسىنىڭ ەڭ ۇزدىك سانتەحنيكتەرى مەيىرمان ابايلداەۆ پەن رۋسلان حريۋكين ميچۋرين اۋىلىنىڭ تۇرعىنى, جالعىز تۇراتىن زەينەتكەردىڭ حال جاعدايىن ءبىلىپ, ونىن جۋىناتىن بولمەسىن جاڭارتىپ جاتىر. بۇل جۇمىستاردىڭ بارلىعى تەگىن بولادى» دەيدى شارانى ۇيىمداستىرۋشى «CVL» كومپانياسىنىڭ PR-مەنەدجەرى مارال كەرەەۆا. قاجەتتى زاتتاردى, ياعني ارالاستىرعىش سۋ كراندارى, سانفايانس, جىلۋ رادياتورلارى مەن ساناۋىش قۇرالدارى سەكىلدى تاعى باسقا دا سانتەحنيكالىق قاجەتتىلىكتەردى ۇيىمداستىرۋشىلار بەرىپ وتىر. بۇلار دا تەگىن.
«قايىرىمدى سانتەحنيكتەر» دەپ اتالاتىن بۇل كەزەڭ 31 تامىزعا دەيىن جالعاسادى. بۇل ۋاقىت ارالىعىندا قازاقستان, رەسەي, وزبەكستان جانە سەربيادان بارلىعى 46 ەلدەن 85 كوماندا ءوز قالالارىنداعى الەۋمەتتىك جاعىنان از قامتىلعان وتباسىلارعا كومەك كورسەتەدى. ولاردىڭ جۇمىسىن ارنايى كوميسسيا باعالايتىن بولادى.
1-قىركۇيەكتەن باستاپ «سانتەحمەن مەكتەبى» اتتى ەكىنشى كەزەڭ باستالادى. بۇل ۋاقىتتا ينتەرناتتار مەن بالالار ءۇيىنىڭ تاربيەلەنۋشىلەرىنە قاشىقتىقتان مامانداندىرىلعان ساباقتار وتكىزىلەدى. ءار كەزەڭ بويىنشا ماماندار, تۇرعىن ءۇي-كوممۋنالدىق قىزمەتىنىن وكىلدەرى, ءبىلىم بەرۋ جانە قوعام قايراتكەرلەرى ولارعا داۋىس بەرەدى. ولار ءار قاتىسۋشىنىڭ جۇمىس بارىسى مەن شەبەرلىگىن باقىلايدى.
ۇزدىك دەپ تانىلعان كوماندالار 22 قاراشادا چەليابينسك قالاسىنادا وتەتىن چەمپيونات فينالىنا جولداما الادى. كونكۋرستىڭ باستى جۇلدەسى – 300 مىڭ رۋبل مەن التىن كۋبوك.
بۇركىت نۇراسىل
