قازاقستان رەسپۋبليكاسى ادىلەت ورگاندارى قىزمەتكەرلەرىنىڭ كاسىبي مەرەكەسىنە وراي وسى سالادا ۇزاق جىلدار بويى جەمىستى قىزمەت اتقارعان, بىلتىر عانا زور قۇرمەتپەن زەينەتكەرلىككە شىققان ازاماتتىق حال اكتىلەرىن تىركەۋ مەكەمەسىنىڭ ارداگەرى رىسكۇل ماقانوۆا تۋرالى از-كەم سىر اڭگىمە وربىتكەندى ءجون كوردىك.
زامان ءبىر ورنىندا تۇرمايدى, سىناپتاي سىرعىعان ۋاقىت ۇستاتپايدى دا. بۇلاي دەيتىنىم, كەشەگى جاپ-جاس مامان بۇگىندە زەينەتكەر اتانىپ وتىر. بۇكىل سانالى عۇمىرىن ازاماتتىق حال اكتىلەرىن تىركەۋ سالاسىنا ارناعان, بويىنداعى ءبىلىمى مەن بىلىگىن ناقتى ىستەرىمەن دالەلدەپ, ەل-جۇرتتىڭ ەرەكشە ىقىلاسىنا بولەنگەن رىسكۇل بايعازىقىزى وسى قىزمەتتە باقانداي وتىز بەس جىل جۇمىس اتقارىپتى.
ادام بويىنداعى اسىل قاسيەتتەر مىنەزدەن تۋىندايدى دەسەك, وعان انا سۇتىمەن بويىنا بىتكەن ادامگەرشىلىك قاسيەتى, اقيقات پەن ادىلەتتىلىكتى جوعارى قوياتىندىعى, باۋىرمال جاناشىرلىعى, حالىق مۇددەسىنە قىزمەت ەتۋگە قۇلشىنىسى ابىرويىن اسقاقتاتا ءتۇسىپ, بويىنداعى ازاماتتىعى مەن پاراساتتىلىعى جەتىستىكتەرگە جەتەلەپ, تابىستارعا كەنەلتتى.
«اسىل ادام اينىماس» دەپ اباي ايتقانداي, رىسكۇل بايعازىقىزىنىڭ اسىپ-تاسىپ كەۋدە كەرگەن, مەنمەنسىنگەن كەزى جوق. ءسوزى مەن ءىسى ءبىر ارناعا توعىسىپ, سۇلۋلىعى مەن مارتتىگىنەن قۇبىلعان ەمەس. شاڭىراقتاعى جاراسىمدى تىرلىگىمەن, دوس-جارانعا دەگەن سىيلاستىعىمەن جاستارعا ۇلگى-ونەگە بولدى. تۋىپ-وسكەن ولكەسىنە تەرىن توگىپ, ەرەن ەڭبەگى ەلەنىپ, ءتۇرلى ماراپاتتار يەلەندى. قازىر ول استانا قالاسى ادىلەت دەپارتامەنتى احات مۇراعاتىنىڭ مەڭگەرۋشىسى بولىپ جۇمىسىن جالعاستىرىپ كەلەدى, جاستارعا كاسىبي مامان رەتىندە جۇمىستىڭ قىر-سىرىن ۇيرەتۋدەن جالىقپايدى.
باقىتجامال بازارباەۆا,
ەسىل اۋداندىق ادىلەت باسقارماسىنىڭ ءبولىم باسشىسى
