تاياۋدا ەلوردادا «بولاشاق مەكتەبى – بۇگىن» جۇيەسىنە قاتىسۋشى مەكتەپتەردىڭ وتىز بەس مىڭ وقۋشىسىنا جاڭارتىلعان كۋالىكتەر بەرىلدى.
ەندى وقۋشىلار ارناۋلى كۋالىكتەرمەن مەكتەپتەرگە, وقۋشىلار سارايىنا, سپورتتىق مەكەمەلەرگە, ۇيىرمەلەرگە جانە باسقا دا جەرلەرگە اۆتوماتتى تۇردە كىرە الادى. سونىمەن قاتار, مەكتەپ جانە قالا كىتاپحانالارىنا تىركەلىپ, كىتاپتار الادى, سونداي-اق, اسحانالاردا ەسەپ ايىرىسادى.
بولاشاقتا وسى كارتوچكامەن قوعامدىق كولىكتە اقشاسىز تولەم جاساۋ كوزدەلگەن. سونداي-اق, جوبا اياسىندا مەكتەپتەردە بەينەباقىلاۋ جۇيەلەرى ورناتىلماق.
قازىرگى كەزدە «بولاشاق مەكتەبى – بۇگىن» جوباسىنا استانانىڭ 17 مەكتەبى قاتىسۋدا, 2017 جىلعا قاراي وسى جۇيەگە قالانىڭ بارلىق مەكتەبىن كەزەڭ-كەزەڭمەن قوسۋ جوسپارلانعان.
2014 جىلى اتا-انالار ءۇشىن بالالاردىڭ قاۋىپسىزدىگىن قامتاماسىز ەتۋ بويىنشا قوسىمشا اقىلى قىزمەتتەر ۇسىنۋ ارقىلى جوبانى كوممەرتسيالاندىرۋ شارالارى قولعا الىندى.
اقىلى قىزمەتتەرگە اتا-انالاردى وقۋشىلاردىڭ قوزعالىسى تۋرالى سمس-حابارلاما ارقىلى (مەكتەپكە, سپورتتىق عيماراتتارعا, وقۋشىلار سارايىنا جانە باسقا دا دەمالىس ورىندارىنا, قوسىمشا ساباقتارعا بارۋى تۋرالى) اقپاراتتاندىرۋ جاتادى.
جوبانىڭ تيىمدىلىگىنىڭ نەگىزگى فاكتورلارى: مەكتەپتەرگە بوگدە ادامداردىڭ كىرۋىن بولدىرماۋ جانە قالالىق مەكتەپتەردە بەينەباقىلاۋ جۇرگىزۋ ارقىلى لاڭكەستىككە قارسى قورعانىستى كۇشەيتۋ; اتا-انالاردىڭ جانە ءبىلىم مەكەمەلەرىنىڭ وقۋشىلاردىڭ ساباققا قاتىسۋىن باقىلاۋىن اۆتوماتتاندىرۋ; مەكتەپ جانە قالالىق كىتاپحانالاردا كىتاپحانالىق ءىس جۇرگىزۋدى اۆتوماتتاندىرۋ; جابدىقتاۋشىلاردىڭ مەكتەپتە تاماقتانۋ قىزمەتتەرىن ۇسىنۋىنىڭ ساپاسىن باقىلاۋ; قوعامدىق كولىكتە وقۋشىلاردىڭ جولاقى تولەۋىن اۆتوماتتاندىرۋ; وقۋشىلاردان اقشا بوپسالاۋ جاعدايلارىن بولدىرماۋ; ءبىلىم باسقارماسىنا وقۋشىلاردىڭ ساباققا قاتىسۋى مەن كىتاپحانا قورىن پايدالانۋ بويىنشا ەسەپ بەرۋدى اۆتوماتتاندىرۋ.
