«وتان قورعاۋشىلار» الاڭىندا ساعادات نۇرماعامبەتوۆ اتىنداعى «جاس ۇلان» رەسپۋبليكالىق مەكتەبى تۇلەكتەرىن شىعارىپ سالۋ ءراسىمى ءوتتى. سالتاناتتى شاراعا قورعانىس مينيسترلىگىنىڭ وكىلدەرى, قارۋلى كۇشتەردىڭ ارداگەرلەرى جانە ۇلانداردىڭ اتا-انالارى قاتىستى.
ءبىلىم ورداسىمەن بيىل 75 ۇلان قوش ايتىستى. بۇل – مەكتەپ قۇرىلعالى بەرى تۇلەكتەر سانى جاعىنان ەڭ ۇلكەن كورسەتكىش. ۇبت-داعى ورتاشا بالل ەسەبى دە بىلتىرعىعا قاراعاندا جوعارى بولىپ, 85,2 قۇرادى.
«جاس ۇلان» مەكتەبى تاربيەلەنۋشىلەرىنىڭ دايىندىق دەڭگەيى جىل سايىن ءوسىپ كەلە جاتىر. بۇگىنگى كۇنى مەكتەپ تۇلەكتەرى قۇرلىق اسكەرلەرىنىڭ اسكەري ينستيتۋتىندا, تالعات بيگەلدينوۆ اتىنداعى اۋە قورعانىسى كۇشتەرىنىڭ اسكەري ينستيتۋتىندا, راديوەلەكترونيكا جانە بايلانىس اسكەري-ينجەنەرلىك ينستيتۋتىندا, قر ۇقك, تجم جانە ءىىم جوعارى وقۋ ورىندارىندا اسكەري ءبىلىم الۋدا. سونداي-اق, رەسەي, بەلارۋس جانە قىتاي ەلدەرىنىڭ اسكەري جوعارى وقۋ ورىندارىنىڭ كۋرسانتتارى بولىپ سانالادى.
كۇنايىم ساكەن
